受寵若驚
07四月的簡稱08
剛從教會的退修營回來，累得不似人形，隔天才開電腦。
一click入wordpress，第一時間發現管理版面更新了，雖看不慣，但看見好像多了許些功能，而且仲有得用html！（這可是我唯一會用的編寫工具，同埋pascal囉，但已忘記得七七八八）
然後我發現的是，多了一萬多人次！！
咩事呢，忽然多了人到訪，仲要係一萬多人次！平日來這兒的人次大概幾十到一百左右，我何德何能吸引普羅大眾來看我blog啊，這樣乏善可陳的文字，這樣平凡的我。
都是因為商學院小姐的魅力。
原來多位網絡名人都連了我這篇。人在中環的ck老闆都連了我！ck都睇我個blog呢，作為小小讀者的我難免有點受寵若驚，又有點激動，感覺好像跟明星握了手一樣，可能只是一瞬間的事，但都夠我威一世。
小妹很感激每一個路過行經此地的人，包括各個有名氣的博客，無以為報唯有努力寫寫寫。
＊
一萬多人除了來自人在中環，就是一些論壇，如影響力最強的論壇大哥高登。相信是有人轉載我的文章，跟巴打們分享美女。
跟大家分享文章我當然不介意，不過有點怕有一些人的評論，無故以粗口來批評（ok我知道這是他們的文化，但不等於我認同），不合心意的就大肆批鬥一番。
但可否也尊重一下別人的信仰？我一向大方承認基督徒的身份，我不以基督為恥，你不相信的話我們互相尊重即可，有必要踐踏別人的宗教嗎？
唉，我怕我愈看愈氣，立刻關閉網頁就算了。
＊
嗯，至於那位商學院小姐，其實本人與她並不相識，我亦並非她的擁躉（拜託！），有關她的事情亦非一手資料，不過是以訛傳訛得知。（好多人同我講想識佢囉，咩事）
其實大家除了可以驚嘆，也可以欣賞角度看這事，少一點負能量好嗎。
Filed under: 世情 | 9 Comments
孖瑩
我想話呢… 尋晚我收到個朋友條line, 話我知, 佢個friend forward 左條line 比佢睇, 係個度佢看到我個名.
我都愕左然, 打開之後, 就見到妳個blog囉! 原來佢地都係慕商學院小姐之名而黎.
我想話呢… 尋晚我個朋友send 左條line 比我, 係佢朋友forward 比佢既, 佢這係個度見到我個名.
我都愕左然, 打開條line, 原來係你個blog! 原來佢地都係慕(商學院小姐)之名而黎.
我覺得CK係人肉宣傳易囉，俾佢link一link好過賣廣告！我都試過一夜之間見到人流多左100倍（無講笑），原來又係CK，哈哈。
我都係一d forum見到有人轉載你o既文章，靚女o既號召力真係不容小覷。
“有一些人的評論，無故以粗口來批評” 咁你可以set做approve左先post comments咪得囉, 因為有d人真係幾無聊架。
我也發現我那好日都不會有人到的垃圾blog竟有人因我在你這處留言而大駕光臨, 還一頁頁的看, 當真臨表涕零, 不知所言!
btw … 不是年頭或年尾退修的嗎?
客氣啦朋友 =)
我多謝你有睇我寫既野就真。
揚眉：
就係咁先得人驚！
Elizza：
人肉宣傳易！！唔知ck睇左會有咩反應，可能會怕左我地呢班小讀者。
安妮：
謝謝你啊，經你這樣一說我就安心許多了。
Felix：
哎唷，好似連累左你。
年尾都有，今次是年中全教會退修營。
CK：
你是很多人的偶像呢，要一直寫下去啊。
哈, 又是我, 快到不得了~
那會連累, 反正都是空著的, 有人來走走看看反是好事!
我是從另一個blog看到link過來的，後來也forward了該post給幾個朋友。確是比我以前見過的8A+靚呀。
那些”批評”是論壇上的吧， 如果粗口只是作助語詞就不用太介意。。