苦戀
27May08
我討厭暗戀人的那個自己。
每當暗戀時，人就會變得很蠢。那種蠢，是無法想像的，就是有咁蠢得咁蠢（天呀，我本身已經唔係聰明架啦！），我好憎自己這樣子。
常常產生許多無謂的幻想；人家一句說話就介懷上一整天；一個眼神就猜測無限個可能；無條件付出很多，忙不迭地獻殷勤……當然還有更多。總之就是，蠢！
所以一但發現自己不小心喜歡了人，當了暗戀者，我總是會說：大鑊喇！
ok，有人會說（甜思思腔），不是啦，為喜歡的人付出很值得呢，我才不介意blahblahblah。sorry，得罪了所有暗戀中的少女，無私付出是一回事，蠢是另一回事。我仍覺得好蠢囉。
最近，巧合地聽了很多朋友間的暗戀故事。朋友A喜歡了我們圈子中的一位男生（感覺敏銳的我當然早就知道啦，呵呵），她是個主動型女生（我好羨慕她呢，真係好夠薑架佢！），但仍處於猜心階段，一有把握就會行動；新認識的朋友B，她與他已經四年，一直維持著比好朋友再好一點的關係，重要日子總會留給對方，他們卻不是情侶；朋友C，娓娓道來她七年的暗戀故事（七年啊！怎麼可能如此長時間一直單戀，人會瘋吧！），他是個運動型男生，很粗心，一直沒拍拖，卻把她當作成好兄弟，沒察覺她的心意。
啊，暗戀是一件如何孤單的事。他的一舉一動都主宰她的情緒，有時候，彷彿沒了自己。能夠持續下去，實在很不簡單，我多想大力的回贈掌聲給我可愛的友們，鼓勵鼓勵。
祝福她們都找到幸福。
Filed under: 微小事情 | 12 Comments
孖瑩
每當暗戀時，人就會變得很蠢。那種蠢，是無法想像的，就是有咁蠢得咁蠢<========十萬分認同~
真係如無必要唔好玩暗戀~
唔可以咁講架
面對住個女仔好你幾倍，真係邊有面開口
幾厚面皮都假
唉-_- 咩戀都煩!!所以我唔戀!!
比一個唔鐘意既人單戀係好恐怖架!!!!!!!!!! (>_<)
我鐘意曖昧多D,反正都係冇結果,而且係互有好感先行到曖昧路線 =P
(曖昧讓人受盡委屈 找不到相愛的證據
何時該前進 何時該放棄 連擁抱都沒有勇氣
曖昧讓人變得貪心 直到等待失去意義
無奈我和你 寫不出結局 放遺憾的美麗 停在這裡)
好想抱抱瑩瑩。好慘呀你。可能既話﹐盡早抽離﹐好唔好﹖(但﹐我諗都係冇乜可能架喇。)
最好既方法梗係唔好做暗戀人既傻事啦。真係好慘架!!! 最慘係o個種對方都對你好好﹐係好朋友 o個種。好唔掂。如果佢真係中意你﹐俾少少hints佢就會好行動架啦﹐冇唧係唔中意﹐死心罷啦。
你既朋友A&B﹐係唔係黐線架﹖!!! 點可以咁!!! 我試過一年﹐成個人已經黐左。
Ivy：
呢句說話由你黎講，真係特別有說服力，哈哈。（唔好打我）
Derek：
如果沒有人開口，就只得一直苦等下去，好慘架。
天使男：
咦！我最憎曖昧，似有還無的關係，想點喎。
雲：
抱抱！
但係果個唔係我喎，ABC都是我朋友。我邊有咁長情，單戀七年真係能人所不能，比著我，最多兩年，繼續落去都無結果就即走，頭也不回那種（好型架我都可以）。
所以現在都不敢暗戀，最多說有點好感，留個餘地給自己，至少不會太慘。
至於我的朋友們，我都希望她們能及早抽身（畢竟青春有限，沒多少個三五七年啦），唉，不過她們都說已經習慣了，也不介意繼續。唉唉，我都不知說甚麼好，只有祝福。
我一定會告知對方的。
當然，結果是衰咗囉。哈哈﹗
試過一次，係咁拖拖拖拖拖唔開口，開口果下就係玩完，太煩啦。好似係半年唔夠就搞到我幾乎想死。
所以呢，有意又覺得會成功既話就快d上，唔理咩手段啦。
暗戀是一件如何孤單的事, especially when you’ve done 99 good things for him/her, and did 1 single thing that’s not so suitable….. and eventually he/she will forget about you…
but you guys are still pretty good to 單戀 the same person for a year, not to mention 7 years, but also pay attention to the other ones who are 暗戀-ing you guys
讀與吃：
我很佩服女生有這樣的勇氣，這正正是我沒有的。我都應該學下野，哈。
雖不成功，但在你現在看來，也是很好的回憶呢。
Kris：
係呀，拖拖拉拉的關係讓人好痛苦，要不一起，要不拉倒。
不過話上就上，是你們男生的專利啦。
ORZ男：
對對，暗戀者很需要支持的，尤其是當局者迷的時候，身邊的人該為她亮一盞明燈。
我都暗戀左一個男仔兩年~準備同佢講~(可能最尾又唔會講)~
因為準備放暑假~應該3個月不會見面~即使失敗了也不太樣衰~
3個月後我可以在他面前扮得若無其事~
現在也在煩用電話,ms n,書信或者其他特別方式講好~唉~
好歹都給自己一個交代~讓自己死了心方便找下一段戀愛呢~
女生青春有限呢~媽媽又常催我找男友~
講『暗戀』,好似好耐之前既野!少女年代,記得個啲感覺,不過,我諗無乜機會再試。
我覺得感覺幾好,好易唔開心,不過又好易開心!
好似以前暗戀個啲男仔對我都有啲意思,所以都唔係咁辛苦。
你努力嘞!被人暗戀你啦!
WAYWAY：
你準備好要告白嗎？加油加油，給你大支持。
我都明白你的心情，快點解決也好了結心事，不用時時記掛。
不介意的話，可以電郵我，也讓我替你想個好辦法。
祝福你可以找到屬於你的幸福 =)。
臻臻媽媽：
過去都是美好的回憶呢。
怎麼會叫我努力啊，哈哈，上面的朋友ABC並非我偽裝的，都是真人真事呢。而且，被暗戀不是我可以控制的啦，哈。