校園趣味第108回

(這樣做人會不會太過份了點!! 明明立下心志要勤寫blog，最終竟然相隔兩個月才寫一篇新的，不禁驚覺時間實在過得太快了(心虛…)。

心中亦有很多題材想寫下，但再寫情話該會令人神共憤吧。我還是寫回我最擅長的無聊野吧，也是寫得最開心的。

題外話，其實我都好鍾意看無聊低b野，所以蘇儀小姐收山不寫，確是令我失落了好一陣子。)

來炒個冷飯吧，寫學生們的低b事件簿最好看，呵。

話說，有學生經常在課上自稱皇上，會說出「朕今日抱恙唔係咁想聽書」之類的話。

有時我都會同佢地癲下，以「皇上保重龍體，但亦不能棄江山於不顧，讀書要緊呀皇上」作回應，即可換來「都有d道理，好啦朕就聽你講啦」，立時風調雨順，國泰民安。

前幾日，皇上同學忽然向著某同學大呼：將軍，快d派兩個士黎保護朕！
(想必是有刺客危害皇上性命？)

我(好奇)：咦？係士，定士兵呀？

皇上(肯定地)：係士！

我：下，咁佢地係咪要打斜行架？

皇上(很驚訝)：點解你會知架!!! (有如遇上同道中人!)

皇上： 我真係要佢地每一步都打斜行架。

我：!!!!!!!!!!

全場笑到反檯，而我，啞左。=_________=