新一代女神

 

膚淺的我,跟大眾一樣,都喜歡欣賞美女。

Mr. & Miss ba,(念中大的肯定會知道,即使不是讀bba,因其宣傳實在是太鋪天蓋地!),是在每年的中大商學院節一項重要項目,即由四個書院的院花院草中選出商學院先生小姐。

本來畢業後的我,實在沒理由仍如此關注校內的學生活動。但吾弟再三推薦,其中一位佳麗的魅力驚人,說全校男生皆為之神魂癲倒,差點沒拜倒其石榴裙下,更將其宣傳卡片當閃卡儲放在銀包中!(有無咁誇呀,yescard都out 左十年啦小朋友)

 

(仲想睇多d)

看過相片真身後,雖不是驚艷的絕代美人,的確是一清純的可人兒。

我覺得有點像伊沙貝拉,吾弟說真人有點似楊丞琳(可愛教主?!)。

但最令人嘩然的,是關於崇基小姐的二三事。

1.會考十優(10A狀元啊!)
2.拔尖
3.DGS
4.讀global business(係咪即freshgrad已年薪過百萬那科!)
5.GPA 4.0(!)
6.PE拎A(!)
7.田徑隊(運動健將!)
8.danso(跳舞唱歌都很好)
9.有錢(我不知道有錢的定義是什麼啦)
10.基督徒(!好感大增)

有無咁完美啊!

樣貌標緻,而且身型很好,高佻,長腿,長直髮。據說人很好很nice,有禮且友善(即並非那種不可一世自以為好靚的「港女」啦)。

難怪風靡萬千少男。


及後吾弟有一結論,如此完美化身太遙不可及,最終只會落得孤獨終老的下場。(!)

原來男生會這樣想,不過是吃不到葡萄的言論。

廣告

34 thoughts on “新一代女神

  1. 唔。。。承如你所說,不是絕代芳華,但不失清純脫俗。不過我感覺似乎偏瘦了點點(是得一想二,要求多多嗎?)。不過姑勿論外貌樣子,有這樣的成績才華相信已得來不易。

  2. 我幾廿年前讀書時,記得好似係有分Miss CCBA, Miss NABA…之類,我果屆Miss CCBA後來去左電視台做主播,Miss NABA係我好朋友,教account個professor好鍾意佢,成日叫佢答問題,又叫著裙o既佢坐最前面,好變態。

  3. Justin:
    真係完美到令人難以相信!

    Elizza:
    我都覺,一出黎未選已經贏哂。
    就如吾弟所說:屈機。

    怒火媽媽:
    唉,我這等庸俗之輩連自卑都唔敢呀,點敢同公主比較,只得暗暗讚嘆造物者既偉大。

    Hana姐姐:
    清純真係可以殺死萬千少男,果d所謂玉女偶像的庸脂俗粉真係要行埋一邊。

    難得地不惹女生反感,我都幾喜歡!

    Felix:
    你的要求是有點吹毛求疵啦,(已經有夠完美)
    潮流興瘦身,再胖一點又會比人嫌肥架啦。

    三點姐姐:
    你說的對,現在仍有分miss ccba/ naba/ ucba/ scba,不過其他佳麗真的完全比下去,不值一提我就沒有寫。

    我估你果屆的miss ba應該幾靚。
    近幾年的院花草完全是湊夠數上檯,都唔靚既。

    哇寫美女的post果然吸引很多hit rate點擊呢,但點解,我好似變左崇基小姐的經理人!

  4. 我不是吹毛求疵啦~ 不過我有點認同你弟弟所說的,太完美的人很難找到對象的,就算對方一心一意的,自己都會有「很難配得上人」的感覺,而且身邊的狂蜂浪蝴可說是狂風掃落葉的來呢。

  5. Junes = =
    有班傻佬係文廣搶佢D閃卡…一套六款…互相係度問「你儲齊未啊?」
    D人當佢神咁拜…

    講返佢D野
    GBUS唔會年薪過百萬,好少有
    話佢有錢,有個講法係佢父母都係醫生,身家過一億喎
    DGS係我心目中反而要扣分= =

    唉成個選舉都係痴哂線
    鋪天蓋地得太誇張,直頭係無孔不入

  6. Felix:
    我覺得,如果條件好但高傲的女子(即自以為靚絕全港而看不起人那種),可能會難一點找對象,始終性格是重要的。

    但崇基小姐似乎不是這種人,所以才說她是難得的完美,像童話故事走出來的公主。

    又,聽說她已有一個ibanker男友呢。

    Kris:
    你有收集她的閃卡嗎?嘿,聽吾弟說人人都在找第一款,好難儲得齊喎。

    選舉那班搞手應該多謝她啦,相比從前加添許多娛樂性,成了中大一時佳話!

  7. 實在太完美無瑕,兼夾如此謙虛,教男生自慚不如,女生亦甘拜下風

    孖瑩,借來搭個訕:

    kris,會不會在心中暗罵,有冇咁邪啊,又係DGS?!
    哈哈哈

    你去告訴Joshua,他可能後悔自己仍身在楓葉國,或畢業太早,要不,應該有快人一步的優勢

  8. 引用通告: 才女 « Ideas, Thoughts and Creations

  9. 引用通告: 受寵若驚 « 像我這樣的女孩

  10. Leona:
    咦?Kris和DGS似乎有一些恩怨啊,難怪他說要扣分,嘿嘿。

    Kenka:
    有關係嗎?她的先天條件的確好,但應該也有後天的努力吧(我估咋)。

    讀與吃:
    你們媽媽們的反應都是一樣的,呵。

    Lo哥:
    我都想知點解那些男生要儲閃卡。

    火女:
    男的我覺得有點似中村獅童!幾似日本人。

    他們選的是中大商學院院花院草。

    poonwinghang:
    我讀果陣都無……萬中無一卦。

  11. 說得有點誇張bor.. 不是話她不美, 而是她比較小朋友的靚..不過呢d 就danger d bor.. haha
    反而如文中說她樣樣皆能就真係好勁

  12. 10A 堅料喎
    http://www.info.gov.hk/gia/general/200704/14/P200704130201.htm
    ———————————————————————————————————-
    Six students who obtained outstanding results in the 2006 public examinations have been awarded the Sir Edward Youde Memorial Medals. They are:-
    (1) …

    (6) Miss Shek Junes of Diocesan Girls’ School, who scored 10As in the HKCEE in 2006.

  13. born to be a talent with hardwork, without your hardwork no one will suceed, so make use of god have offer to you.
    My sincere

  14. >>孖瑩

    我淨係記得以前好崇拜好鍾意 Dragonball Z 先會操閃卡, 扭到山窮水盡都要扭張 閃 既…. 哈哈…. 可能幻想一下點解有人操 名星 卡 或 DBZ 卡就會明?? =)

    我幾個月前都拿咗張閃卡返來, 志不在閃卡, 嗰張係我用技術性去贏返來, 非常之有紀念價值, 亦明白電腦有幾好呃. hah =)

  15. 嘩,點解我讀CCBA既時代冇呢d咁勁既女仔既??!!
    (拿,靚係靚,但未至於絕色美女,如上文如實,我欣賞佢人品同才華多d)

  16. 唔算好靚, 不過較清純, 有笑容, 佢最令人印像深刻之處反而係佢讀書成績。個男仔個樣好惡頂……

  17. 個男仔個樣好惡頂…… x 2

    條女係咪真係飯飯都掂呀??? 小弟就讀中大時, 從未遇見如此神化的女子。

  18. > 又,聽說她已有一個ibanker男友呢。

    下,個 男友 仲係iBanker!!

    o個十項我都唔覺係咩完美,呢個第十一項就真正令我折服了 …

    嗯,引起我無限遐想添... 唔知佢有冇登記左做選民呢 ... 政治取向如何?支唔支持平反六四?點睇最低工資同貧富懸殊呢..... 

    不過點都好,我唔同意靚女/叻女/XX女 (任填)就必有「孤獨終老」或其他淒慘下場。我相信有些人真的天生「好命」,從craddle到coffin都幸福快樂。衷心祝福這位女孩。

    然而,心裡也希望她以及所有好命的人,都多多紀念那些較我們不幸的人。連加恩(年輕的香港信徒應該都知道誰是連加恩) 說:「好命的孩子應該比別人付出更多、為了幫助更多的人甚至比別人更勞累。這樣,好命才有意思!」

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s