立雜雜

近來生活有點納悶(天氣又差呢),天天起床後就是做功課和逃避功課,人生的意義都不知為何,唉,好累人。

唯一的盼望,就是六月中遊台灣,心情好亢奮呢,一想起就好想大叫(!),生命中暫時的寄託大概在此。

這是我人生最後一個暑假(去年好像都這樣說過),所以我要好珍惜,享受學生的假期。當知道九月後的去向(當然要為早得offer而感恩),我就可大模斯樣不事生產,這幾個月都。要。在。家。hea!

朋友說,放咁長假梗係去歐洲流浪,不要浪費假期,遲些你想去都沒空才飲恨。雖然朋友說得真摰懇切(好明顯他深切體會啦),但我都一口拒絕。

我身邊的人大概會發覺,我從來沒有想/渴望去某一個地方,跟身邊熱愛旅遊或地理人成了極大對比。其實我是個很怕死的人,甚麼都怕(其中的程度是不能想像的可怕),我怕去到一個陌生地方後所遇到種種事情都是我不能承受的(所以每每轉變新環境,我都需要很多時間適應),我怕回不了家(!),是次去台灣都幸得有花小姐作東道主帶我們遊歷,我才放下一點心,叫我探險流浪我一點都不享受,我寧願躲在被窩睡個夠(好沒大志啊),在家的我最安心。(請參閱九型人格中的六號仔,我中哂。)

這幾天走在街上,都看見很多店舖請暑期工,搞得我亦有走進去應徵的衝動。我不想在boutique內當sales(要常常騙人穿得很好看穿得好瘦,我做不來啊),但很想做收銀員。其實這是我小時候的志願,小小的我跟媽媽到超市買東西,看見那些嬸嬸按幾個制就有叮一聲,抽屜彈出來,好好玩!

其次就是做戲院的帶位員,因為有得看無限場電影(!我知道,這個想法膚淺了一點),名副其實寓工作於娛樂,而且戲院滿佈甜甜爆谷的香味,在那兒工作是一件多幸福的事啊!(ok 可能我真係諗多左)

朋友得知我有這般念頭,竟然鼓勵我去行動,但叫我記得隱藏自己的學歷(點呀我又唔係哈佛博士學位畢業!),然後扮form5剛考完會考去應徵(!)。太荒謬了,我是不老的傳說嗎,樣子好明顯超哂齡啦。

沒得當帶位員,唯有去看戲(有關係嗎!)。Be Kind Rewind,wait for me!

廣告

21 thoughts on “立雜雜

  1. 路過的~

    我有朋友係戲院做帶位架~
    佢話每一套戲佢都有睇~不過只係頭15mins同最後15mins~
    其他時間要去洗廁所~清潔戲院~
    唔好做呀~想睇無限戲~
    可以考慮下係d影片店做sales~哈哈~
    不停播片~你遲早記晒d對白~哈哈~
    都係咩都唔做~hea下hea下最好~
    夏日眠眠正好眠~

  2. Be Kind Rewind, a nice film.

    如此長假不遠循他方以後的確機會無多(恕若虛不太清楚妳未來的工作啊),但也不是不去不行,反正各有所好嘛。若虛中五、中七的暑假都在家hea(ok,有個short trip,但無暑期工囉),好好享受放假的日子!

  3. atticus:
    咁驚?六號仔極度欠缺安全感,喜歡安定,恐懼改變架喎。

    WAYWAY:
    係喎,影片店做sales係一個好提議,尤其可以狂翻煲舊片,正!

    謝謝你的意見呢,要多來啊。

    余若虛:
    你睇左啦?如果不是功課纏身,我想即刻跑去睇呀。

    我以為大家都猜到我未來的職業呢(事實上很多人都猜對),
    我是從事教育的(小聲說:所以其實我仲有暑假架)。

    米搞:
    哎呀,誤會了,此花不同彼花啊!(雖然兩者都是台灣東道主…)
    這位是我的閨中好友來的。

    C姐姐:
    哈哈,其實我好認真咁寫架。

  4. 路過 too~

    lol same here~ this is my last summer too… also got an early offer and start working in july…. been “HAE-ing" at home since beginning of May………….haha and I actually did go to apply for summer position at Burger King (free burgers!) but they rejected me >.<
    have you seen Iron Man?

  5. 我一放假就日日比人逼搵工,屋企既邏輯係
    放假=得閒=搵錢

    其實我暑假好多野做會忙到死,只係呢個禮拜係屋企匿埋逃避…
    我係屋企就會比人鬧無所事事,出街就會比人鬧亂洗錢
    無人會覺得我出街係做野囉(雖然無錢收)
    好灰

  6. ORZ男:
    你好。(原來有咁多人路過!快d現身比我知啦啦啦)

    你居然為左free burger真係走左去apply!
    我都好想有如此膽識啊。
    好驚會比人鬧爆。
    anyway 可以在家hea也是一件很美好的事呢。

    iron man?哎呀,所有___man的戲(如x-men/superman/spiderman/badman)我都不看的。
    我不是歧視男人戲,但係唔知點解我真係覺得好悶,試過一次悶到訓左(!),不想浪費所以基本上都不看。

    我愛看有一點輕鬆/青春/無聊/搞笑的電影,你睇左Be Kind Rewind未呀!

    揚眉:
    好啊,難得有人不嫌棄我。

    Kris:
    通常浪子都被人誤解的。(唔好打我!)

    我懷疑所有屋企人都係咁的。
    不過算啦,玩埋呢幾年,遲下就賣身比社會,就再難有這樣的機會。

  7. yup… the manager was like “lol" anyways i didnt get the job though 😦
    i’ve never had a parttime working in a fastfood/茶餐廳 before, but it would be sooo sweet though cos all the 😛 food…. ai…

    haha yeah iron man isnt that good…..訓左? lol, hahaha it’s pretty loud though you must be tired. Be Kind Rewind? not yet, how is it? preview looks fun though
    right now it’s all guys movies… Speed Racer, Indiana Jones, Rambow…….hm anyone seen Evangelion I?

    Kris:
    same here…我係屋企就會比人鬧無所事事,出街就會比人鬧亂洗錢 -_-|||

  8. 唔好下下都叫浪子啦 -_-

    係架,玩埋呢幾年真係乜機會都無哂。呢幾日我的確係瘋狂出街洗錢(今日係I.T.睇中左個袋,又想入!!!),要嘈我都有d理由。不過整個暑假黎計玩得黎我應該會洗少d既…以免開學前就乾塘。

    其實我無返過暑期工,補習都唔想做。惟一暑假受薪過既既工作,係一邊嘆屋企冷氣睇世界盃一邊做翻譯,超舒適。呢個暑假玩劇社AP+大O,忙到除左做freelance之外應該無可能搵野做。

  9. C姐姐:
    哈,想不到你會想做侍應,好辛苦架喎。

    ORZ男:
    我都無試過做餐廳啊
    但你竟然係為左食!如果餐餐都食漢堡飽的話,我肯定會好快憎死佢。

    新世紀福音戰士我岩喎(初中時代狂睇動畫的)!不過我未睇,應該之後會睇返。Kris好似睇左喎。

    Kris:
    好啦唔玩啦,哈。

    其實只要唔係攤大手板問屋企拎錢,暑假唔做野都ok既,不過自負盈虧就要慳少少使啦。

    Ivy:
    你覺得呢?

    余若虛:
    哈,好易猜中呢。咁你又做盛行?我估唔到呀,可唔可以即刻開估?如果不想公開可以電郵告訴我的。

    都係架,其實都真係幾一代不如一代,好可能會被激死。不過我都會盡力的,謝謝你的鼓勵。

  10. wa… 食 is soooo important!! dont underestimate the power of 漢堡飽 😛 i heard that MacDonald’s has a new Shogan Burger… have you try it?
    新世紀福音戰士fan!

    教育不易做啊,尤其是現在的學生… my friend went back to our highschool to be a F2 teacher ar…. ai….. last summer I went back to visit…the students were………

  11. ORZ男:
    新出的那個玉子將軍漢堡嗎?第一天面世我就試了,yeah,我不是麥記fans,但喜歡試新口味。

    余若虛:
    原來是金融。我就顯然跟這行扯不上關係,雖然讀經濟出身,但一見到股票期貨就覺得好頭暈,我還是專心留在學校好,哈。

    我反而會這樣看,教師也不過是人(常常有人覺得這是一份神聖的職業囉,唉邊有咁多聖人),能盡力就好,跟學生做做朋友,希望他們會改變。教不來的,也只好等社會給他們造化。

    其實而家d細路咁惡教,責任都在父母的身上,寵壞哂。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s