唔知受左咩刺激，忽然買部玩具。但係好興奮！
我可以解釋。因為我快要去台灣嘛，好趁青春留倩影，多拍幾張相不是很好嗎，又可以拍拍可愛的羊羊，而且菲林相必定另有一番味道。
適逢這星期天氣太壞，心情被搞垮了，見雨一停就立刻跑上街，希望可以買些甚麼來沖喜一下（！）。
加上，我呢排不斷抑壓我頑強的購物慾，好辛苦的，已經少買了一個袋一條裙，慳左錢呢，咁乖咁叻真係好應該獎勵下（！）。
仲有，佢真係好抵玩架，部機再加魚眼鏡都只係五百蚊有找！有排玩呢（如果不是三分鐘熱度）。
ok 我承認，這一百個理由都是藉口，其實我是密謀想買Holga良久。但我好少買玩具比自己玩架，就當我寵下自己好不好（我是男人來的嗎，點解買玩具唔係玩換衫大眼B女，精緻食玩或者公仔之類呢）。
特別鳴謝店裡的婆婆，佢真係超勁，係短短半小時內，佢將我由一個影相白痴，教到懂得使用基本性能，而且過程非常有耐性，又唔嫌我問了很多蠢問題，好好人。
（但我一想到，攝影技術差劣的我，拍下的照片一定會是一pat野，完全不能見人，好灰。）
得閒寫字 
wao，最近大家都買相機，逗得我很高興！
女仔拎住部相機呢度去, 嗰度去, 影低山與水, 型!
過路人
請問是否於紅磡購買，不知你的package 有否不同片幅。
我於６年前購買時，為hkd＄１２０
Felix：
哈，你咁開心做咩呢。
btw，你有無玩菲林機？有的話要指教一下小妹啦。
梁巔巔：
真的嗎@@
蔣雅文果d有姿勢有實際就叫型，我呢d真係……算ba la(慘)
j：
歡迎呢。
係呀我係紅磡買的。其實我部機賣$270，玻璃鏡頭，有閃光燈，用120菲林（我都知道比起早幾年係貴左好多，不過你睇LCA賣到千幾二千蚊真係離哂譜）。我見可以外置魚眼鏡，只需$200，好似幾好玩，就買了。所以加埋$470。
咦，咁你應該有玩開holga喎（定係玩埋其他菲林機呢），我一定要問下你的心得呀！
哈哈！我很喜歡看到人家花錢（買心頭好）:P
其實啦，大家買了相機，就會多貼相，我最愛看人家拍的相！
我啦，菲林相機是有的，但也是剛起步，是整部鐵皮要拉菲林的那種。Lomo 我没拍過，Lomo 和傳統菲林機不大相同，記憶中是絕大部份没有快門，没有光圈，没有測光的，和傳統菲林機的操作不同，但拍出來的相片的成功感也是非一般的。
噢，說到 lomography，我勉強有部 lomo 感的 sx-70 即影即有相機，不過拍的很爛，真的很爛 =.=
我算是相機拜金族吧。菲林相機有action sampler， color splash， holga １２０，fuji 即影即有，海鷗 １２０， nikon f６０。
相還沒拍好，器材一大堆。
在紅磡買的的確比較便直，但好像沒有6*6面板只有６*4.5。
玩１２０ 沒６＊６，總感覺會缺少什麼。
不知道你的有否6*6面板
真的!!!!!!
去到一於影 oD傑作番嚟! 🙂
等你既靚相 🙂
去台灣登台走埠?
我部holga有齊6×6同6×4.5嘅面版,
holga 120, 唔係設計俾6×6用嘅咩?
如果只得6×4.5, 咁不如買holga 35 BC咪仲好.
LCA比holga貴, 係因為塊鏡靚好多同埋有測光功能.
felix,
holga機光圈係f8或f11, 快門1/125或B, 無測光.
“我是男人來的嗎，點解買玩具唔係玩換衫大眼B女，精緻食玩或者公仔之類呢"
哈哈，放心，Rosie 之前都買左部DSLR 俾自己做大玩具。有我陪你做男人！
Felix：
holga機是有光圈有快門的，上面火鶴解釋得很清楚了。
j：
嘩，原來你是玩家來的，好想看你拍的照呢！
我買holga機附有兩個面板的，當然有6×6的啦，不然怎樣拍正方形相呢，哈。
梁巔巔：
謝謝=(，我會盡力的。
Kris：
！！！想點，好大壓力囉！
卡：
其實我係去著草（唔好話比人知呀）。
火鶴：
我都知道LCA不比holga，但價錢貴成十倍喎，真係值千幾二千蚊？
原來你都有玩holga，好想睇相！
Rosie：
我覺得識影相的女生好有氣質，跟我分享你的作品好嗎？
我似買家多過玩家，我以前買holga時真的只有一個６＊４．５面板。 遲點天氣穩定時，我或許會玩玩我那海鷗
呵呵呵，被你用「好有氣質」來形容，會面紅啊！你看網上世界多好，市儈如我也會被誤會成氣質女生~~~
有機會我也會多post 些相片，希望不會嚇走我已經不多的讀者啦。不過技術其實劣拙得很，別笑啊！
哈，就說嘛，我不會 lomo 😛
j：
好呀！我想睇下海鷗影d係點，係咪都係用120菲林呀？
Rosie：
呵呵，你快點給我欣賞你有氣質的一面啦。
Felix：
不要緊的，你的專業在單反機嘛。
噢，我也喜歡攝影，最近也愛上了玩lomo.
holga 是我第一部看得上的lomo 機，不單只看外表，它的功能也不錯啊。
但最後都只是買了fisheye2
買了以後, 要多多拍照唷. 交流也不錯啊. 🙂
jekhb：
好呀，大家都要影多d相呀！