天空這麼美

(零effect零PS,完全直出)

這兒是香港嗎?

天空美得不像我們的香港。平日我們抬頭看天,總是看見一片灰灰暗暗,感覺好污糟,心情會差起來,成個人都灰埋。經過一個多星期雨的洗禮,今天的天空乾淨哂,心情都靚哂。你今天有看見這個畫面嗎?

下午約了朋友,上巴士後轉頭一看窗,呆掉,好靚,好久沒在香港見過如此清的藍,剛巧有帶小DC在身,趕忙拿相機出來拍下,雖然此行為非常作狀,但真係忍唔住(我相信車上不止我一人扮野,因為我feel到前面有人閃光燈狂閃了幾下,大家都在欣賞天空)。

怕會錯過美景,所以車子一直走我一直狂按制。這些照片都是在行駛中的巴士上拍的,看得見第二張有玻璃窗的倒影嗎(扮雙重曝光囉哈哈),實在沒構圖取景可言,拍得真衰,但願靚天空搭夠。(題外話,我覺得我上一篇寫holga機完全係捉蟲囉,大家似乎對小女子拍的照滿心期待,零攝影技術的我即時超大壓力,其實我唔識影相架,只想跟大家分享美物美景,我要請各位高手指教就真。)

廣告

13 thoughts on “天空這麼美

  1. Felix:
    謝謝。
    用閃光燈的不是我啦,是車廂內另一些人,所以我先知道唔止我一個係度影相。

    Derek:
    你說得對。不知以後還有沒有這樣的閒情逸緻。

    Him:
    如果天天抬頭都看得見藍天白雲就好了。

    Rosie:
    聽日會好天架!
    (你點知架?)希望在明天呀嘛!

  2. 個天真係好靚~係邊區影架~
    記得細個果時畫畫~成日都用藍色畫雲~
    底色就係天空~係白色既~即係咩色都唔上~
    人大個左先會留意到雲先係白色~天空係藍色架~
    真係解釋唔到點解細個會倒轉~
    唯一解釋就係自己懶~
    唔想花太多時間填底色~哈~

  3. WAYWAY:
    火鶴說的對,是觀塘道。
    哈,小時候畫畫就是這樣,例如畫兔仔唔知點解會填粉紅色,明明就無呢樣野。這大概就是童真,長大後都消失了。

    火鶴:
    你好犀利呀,咁都比你發現左添(我們現在玩猜地方遊戲嗎!)。

    其實我好欣賞你的一日一相,影得好靚,(扮小fans先)支持你影多d靚相!

    ORZ男:
    不是太古城啦,是九龍來的。
    謝謝你的讚賞,我用的不過是panasonic的dc仔而已。

  4. 的確好靚… 有時候, 香港既天空都會比到啲舒服既景象我地… 雖然我只係香港的一位過客, 但係我對香港既想念多到不得了… 我記得我臨走前, 我響吐露港都見過一個好靚既日出…

    上海, 上至天空, 下至空氣, 都好唔舒服… 天空比香港更灰, 空氣比香港更差… = =;

    呢幾日仲要係咁黃梅雨,落到煩…

  5. Lo哥:
    香港的天空,真係好一時時,有時會靚到比左驚喜你,不過大部份時間都係令人失望。

    繁華的城市,通常天空都不好看,是代價吧。

    七十:
    謝謝你來呢,偷偷連結被發現添。

    Chisty:
    謝謝你來留言啊。
    哈,都是傻瓜dc仔而已,影室內唔用閃光震到飛起添呀。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s