我不是學生

去年發生這個,已經很離譜,今年類似事件居然再次發生,有無搞錯。

前兩天高考放榜,一早起來陪伴小姊妹回校取成績。小姊妹上班房等待派發成績,我唯有坐在校內有蓋操場的長凳上等她。

同場有數十位家長,坐在我旁邊有一位嬸嬸,忽然她向我搭起訕來。

嬸:你拎左成績未呀?
我:!!!!!
我:我唔係架。
嬸:咁你成績入唔入到大學呀?
我:我大學畢左業啦。
嬸:下。
我:係呀。
嬸:咁你做野未呀?
我:搵到工啦,不過未開始返。
嬸:你做咩工架?
我:教書。
嬸:……(好似唔係幾信)
嬸:教書好辛苦架喎。
我:(微笑)(我可以講咩喎!)
嬸:教小學定中學呀?
我:中學。
嬸:教中學幾錢人工呀?
我:……

然後話題就發展到沒趣的金錢上。

但問題是,有無理由會當我係高考生先!我個樣有無咁似學生呀。嗱,我無刻意扮細個架。

ok 我認,其實我果日著左短褲拖鞋。(咩事先,落咁大雨我梗係呢個裝束架啦。)

唉。

認真討論:我有諗過,咁搞法我好難服眾架喎,如果我外表上/心態上再係咁student,d同事會點對我先。真係要諗諗計。

廣告

14 thoughts on “我不是學生

  1. 哈哈, 證明你好青春!! =P 比人話後生好過比人話老..

    話說我18歲係吉之島做兼職時, 有個阿婆叫我做阿叔, 問我D貨係邊, 真係(噢)哂咀!!

    我個同學仲成個小學生咁啦!! (樣同行為都係)

  2. 高考放榜要有家長跟架?

    警號黎架!你係時候打扮得大個d啦!例如話,買定d返工戰衣…
    我以前有一個老師明明好後生但係我地都覺得佢大個,因為佢皮膚差!
    嘿。

  3. 新唻新豬肉,戒急用忍係不二法門。

    對學生嘅話,你可以曬黑d。如果你間學校唔係最一流嘅,可以用英文兇佢地,d靚仔見到miss英文咁勁,唔敢亂唻嘅。

  4. j:
    哈,其實我們當年做學生時,可能都是同樣難搞。

    Him:
    係囉。不過師奶嬸嬸們總有本事直接地問人家私隱,且臉不紅耳不熱,我也不好跟她們計較啦。

    天使男:
    哈哈,咁慘!可能你生得高大啫。
    我都有個同學廿幾歲人,成個小學生咁(!),仲要係男仔。

    Kris:
    我果陣都係自己一個去咋,不過總有家長想陪放榜既。(係喎,差d唔記得你無試過高考放榜添)

    係啦,我諗都要打扮得成熟少少。

    Derek:
    曬黑d!當全香港既女仔正努力地進行防曬工程之時,你竟然提出曬黑呢個方法!男仔work d喎。

    卡臣:
    咁我又好少睇三級片。對上一次係色戒,好似人人都有查架喎。

  5. 樣細,可以扮大啲!
    如果樣大/老,好難扮細架嘞!
    你好幸福嘞!

    我妹三十歲人去買六合彩都俾人查身分證!仲問佢讀完書未!
    我妹跟我仔叫我媽咪,有人真係信佢係我個女!
    我問你點算?

  6. 很怕話題開始不了幾句,就聊到數字的問題。

    上一次告訴朋友,我去了看畫,還未說是什麼人的畫、畫的是什麼……他就問我,要幾錢入場!好灰!

  7. 前一年,我曾在一小學任導師,一名小學二年級的男孩跟我說:「老師,你知道自摸清一色對對糊有多少番?」一名小學四年級的女孩跟我說:「老師,你有手機嗎?我有,你的號碼多少?」一名小學六年級的女孩,從隔壁班房走來跟我說:「老師,我不喜歡這個老師,你過來我這班!交換!」

    我想其中有一些已上了中學,惡童新力軍。現在的小孩的(壞/怪)思想已比我們想像或當年快了好幾年。

  8. 天使男:
    真係好得人驚的。
    話說,佢去做成人身份證既時候,比人問:小朋友,你家長去左邊?
    係咪好爆!
    (好驚比佢發現我寫佢呀呀呀)

    臻臻媽媽:
    咁驚!你妹妹比你小很多嗎?

    Iris:
    有些人總是功利主義行先,滿腦子都是錢,大概香港才會這樣吧。

    J:
    哇,咁犀利,我都唔識打麻雀添。

    現在的小孩的確比我們當年早熟很多。

    Derek:
    你件應林衫嚇到中學生嗎。

    Daniel:
    嗯,要慢慢學習處事成熟一點。
    至於外表,衣著可以幫補的。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s