幾段

買電腦

回應上一篇,參考過多人的意見,以及我精心(!)的考慮,最後買了(1),FUJITSU V1020,然後加了2GB ram,即現在有3GB了(原來2GB ram只係三百幾蚊咁平,行快d架喎咁點解唔加呢)。埋單六千多元,謝謝可愛的爸爸送我禮物。

所以,結論是我有新電腦用了,而這一篇更是新電腦出的第一個post呢(有咩咁興奮!)。

用了幾天覺得很不錯(雖然仍在適應vista中),我果然是不需要太勁的機。

網絡的奧妙一

還有,很感謝各位曾給予意見的朋友相助,你們專業又真誠的建議叫我獲益良多,更有朋友給我發了電郵提供資料,我好生感動呢。

我完全感受到網絡的力量,將不相干的我們連在一起,大家守望相助尤如手足(ok 其實我都無咩幫到大家)。

有時我會想,這樣平凡枯燥又無聊的我在網上寫文,居然也能得到有人來回應,而且也有人說欣賞(已經不止一個人說看過我寫的東西後覺得好好笑好開心,難道我已邁向搞笑路線!),大家對我實在厚愛,我感到很高興。

有時我又會想,看stat的紀錄平均每天都有二三百人來這兒,即使沒發新文仍有百多二百人來,我不敢說這些都是我的讀者(嘩,有讀者是一件太勁的事了),但我會有點好奇為何會有這麼多人來,有甚麼吸引你們來呢,我又不是angelababy,這兒又沒有港女自拍,真有點無聊的。(其實會唔會係有人次次都唔小心按錯左入黎咁唔好彩呢。)

而事實上你們仍來看啊,你們真好。

網絡的奧妙二

最近,我跟一個失去聯絡已久的ICQ哥哥在網絡上再次相遇!(ICQ!可想而知是多N年前的事了,現在的初中生會知道當年有幾風靡一時嗎,無知的他們大概會問:IC蕉食唔食得架(爛)。)

相識之時要談到中三四,當時正值網絡熱潮,人人瘋狂ICQ,好勁。放心,這不是一宗騙案。這位哥哥,其實是我一位中學同學的朋友的同學,同時又是我小學時的師兄,又是我弟中學時的師兄(係咪好複雜呢!!),介乎認識與不認識之間,但又會網上聊天喎,這大概是當時的遊戲規則吧。

而這位哥哥,人很好,曾經試過在網上教我做功課囉(好有耐性啊)(但點解我果陣會做埋d咁既野!),而且讀書很好(好像是我念中四時他已進大學了)。多年沒聯絡,他現在已是一名牙醫(我即刻諗到要搵佢整牙(!),但我d智慧齒已經剝哂了無野好整啦。),果然士別三日,刮目相看。

很高興事隔多年也能重逢。

近來

大概全世界都會以為,這陣子正在放假的我定會好得閒在家hea,會悶到發慌之類,其實剛剛相反。很多會要開,教會事情一大堆,然後未來半個月我要進ymca暑期兒童成長營幫忙做導師,所以最近在上training、學陶瓷、學扭波波(我識扭小狗、劍、帽啦好勁),日子尚很充實,而且很有意義呢。

廣告

6 thoughts on “幾段

  1. 我一直都係你既讀者小粉絲啦!! =P

    個D甚麼新晉名模, 港女自拍BLOG, 普通人高攀唔起同佢地交談, 人地亦不屑同普通陌生人閒談, 佢地既關係只不過係一個寫, 一個睇, 冇交流!

    其實大家唔知大家咩身份, 反而可以有更多交流!! =)

  2. 寫啲枯燥與否, 係咪應該我地讀書定斷而唔係你筆者呢? =)

    喇, 我來睇唔覺得悶, 就已經知道唔係枯燥先la ?~ 唔係睇你之前片香港天色, 我都唔會鬧上海既天色, 同埋最近先發現上海夏日天色都可以幾靚!

    ICQ … wow. 太多回憶.

    其實呢, 網友, 係好特別, 以前好多人都話見網友係好危險, 好似個個背後做賊咁款, 雖然我一開始就知, 但係我有唔少回憶同超要好既朋友都係網路先識. 真係… 網友對於我來講都係好朋友~ 雖然有啲無見面… 能夠相識係一種超級運氣… 咁多人之中… rite ? 一定要同啲相熟網友約出來見下喇… =)

    唔見面, 太可惜la!

  3. 天使男:
    謝謝你,大家以後要多些交流啦。

    50歲阿伯:
    哈,佢真係對我好好好好好架。

    (你,真是50歲嗎!)

    花:
    好呀,你返黎我扭個比你。
    唔使估啦,上次training佢已經死左,一邊睇我地扭一邊狂嗌,哈哈哈。

    Lo哥:
    謝謝你,有互動的寫blog真好。你都要多享受生活。

    關於網友,係會有d驚遇到壞人既,始終報紙間唔中都有賣,好得人驚啫,不過我又唔排除網上可以識到志同道合的岩傾朋友,都是一種緣份,到時再發展成為真實朋友。

  4. 引用通告: 電腦忽然平靜地意外死亡 « 得閒寫字

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s