拖了這麼久,才再寫關於旅行的事,原因是:這是一個我不敢面對的題目。

去旅行,除了觀光,不外乎是吃和買。對了,這篇是關於買的。

不要見我平日時常宣揚節儉的美德,就認定我是個慳妹,其實我跟所有女性一樣,都是天生購物狂來的(好野,拉全世界的女人下水,罪疚感沒那麼重)。所以,今次台灣遊買了的東西也不少,行李由原來的9kg(我已經差唔多空gip去)到回來時19kg(哇,重到拎唔起,幾驚超重呀),究竟多了的十公斤是些甚麼來的呢?

舖了出來自己都嚇了一跳,原來有咁多,仲要大部份都係女人野護膚化妝品。(最驚人的,該是後排的面膜吧)(ok 我買來會當手信送人的啦)

影完相收拾好東西後才發現原來好些東西都沒拍下,尤其吃的。

這邊是文具部。今次去台灣,一本書都沒有買(看我們多沒文化氣息),即使去到誠品,仍是買不下手,因為一想到香港的樓上書店都有七八折,同行好友又說其實上網買仲平啦,於是空手而回。

令我瘋狂的是,台灣的信紙信封,心意小卡。一看見就愛到不行,那些公仔夠哂騎呢,樣樣衰衰,非常深得我心,我幾乎是狂掃。而且價值合理,一想到香港的信紙和卡根本唔值廿幾蚊,我又有藉口可以未雨綢繆買多些。

(但,買咁多,我可以寫信給誰呢,這堆存貨相信我窮一生都用唔完。有無人想收到我的信呢,不妨留個言電個郵給我,我會送上可愛的信。)(其實我鍾意用手寫的信,多於虛擬的電郵,我真係一個老土怪)

好了,我的成果展就暫告一段落。

其實要面對自己曾經狂妄任性花費的後遺,是非常難堪的事,覺得好敗家呢,所以我都不敢數不敢寫。但諗諗下,我都唔係買左好多野啫,比起好些人,實在是小巫見大巫啦(真無藥可救啊)。

廣告

11 thoughts on “

  1. 我好叻呀﹐去日本都冇乜點買野。我諗買得最多既係信。紙。囉。咩事﹐其實我屋企已經都有唔少囉播!! (仲用左好多好多時間去揀囉!!)

    > 其實我鍾意用手寫的信,多於虛擬的電郵,我真係一個老土怪

    乜野!!! 我都係呀。做乜話我係老土怪!! 你寫俾我呀。我地交換cute cute信紙呀!! (!)

    ^^

  2. 我比你更加唔想面對現實呀……琴日收到信用卡張單,先知道加加埋埋我成個trip洗左$2xxxx呀!我有d想暈。

    我鍾意收信喎,得閒寫幾隻字俾我丫……(好貪心)

  3. 嘩!!!!!!!!!!! 勁! 嚇死人呀!!!!!!! 我謹代表台灣多謝妳!

    事實上, 台灣真係有很多窩心嘅東西. 例如用水松做的, 上面寫有各種句子的貼紙, 正!

  4. Felix:
    如果老闆給你手寫的信封,可能會好大鑊呢。

    雲:
    好呀,快郵我你的地址!

    小奧:
    我會呀,尤其寫給外國居住的朋友,雖然很少得收到回覆,但仍很享受寫的過程。

    Elizza:
    唯有同自己講呢排慳d唔好買咁多野啦。

    (快d check信箱啦啦啦)

    卡臣:
    你講得都幾有道理,但係點解無啦啦要鼓勵自己呢(鼓勵自己繼續努力使錢嗎)。

    梁巔巔:
    哎呀,你唔好咁講啦,即刻內疚左啦我,其實我都唔係買左好多啫(以女人標準)。

    咦,你都buy呢d小小心意禮物架,好多人都覺得好無謂架。

    揚眉女子:
    好呀!

  5. 我發覺我的美麗日記除左香之外效果真係唔係咁大﹐妳下次去台灣時試下用丹堤啦﹐雖然唔香,但係敷完既效果真係勁好多~

  6. 冬冬:
    我去果陣都有諗過買丹堤架,不過當時已經掃左太多美麗日記,丹堤又唔係咁就腳,就作罷了。而家要用哂現有既,先可以再買了。

    kitB:
    買的時候永遠比用的時候開心,哈哈。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s