我的新(奇)同事

做了好幾天干物女的我(真係幾日架咋,其他日子我過得好有意義),終於要放下在家hea的美好時光,踏上工作的路途去。

這是我第一份正職工作。就是投入社會的起步,說實的,我是有點緊張,又帶點興奮。

幸好,第一天上工都是一些互相認識,了解環境,交待職務的環節,好等我慢慢warm up(可知我是一個幾咁慢熱的人呢,我真係幾怕三唔識七主動同人係度扮friend)。更好的是,原來有十多人都是跟我一樣新入職。

環觀全場,先撇開有好些叔叔輩與媽媽級的同事不談(他們好nice的!),大概有一半,都是很典型教書先生的樣子,書卷味甚濃,就是過目即忘的那種(我已經完全忘記佢地叫咩名),外加一兩個長髮披肩大眼清純害羞女生,就是男學生心儀的玉女型miss。所以總括而言,都ok悶的。

然後,我竟然發現有一疑似港男新同事(他不是真的參選了港男,不過係果type囉)!他穿著頗貼身的白tee(即係分分鐘d肌肉會逼爆件衫果隻,雖然佢又唔係大隻得好可怕),一身時尚裝束,配合古銅的膚色,仲要有d朦眼,好港男啊。(但係我無尖叫喎,不是我杯茶啦)

點知疑似港男同事一開口,半咸淡廣東話!ABC?!哇,佢仲唔係港男!

至於他究竟是否真港男的疑團,仍有待日後確認。

或者因為有舊同學一同入職的關係,當時應該扮斯文的我,竟然不小心暴露出我無聊的個性。

事緣每位同事都會被編入不同的行政組,而我就被派去公民教育組(好明顯因為我係良好公民啦)。

我(手執職務表):哇睇下,升國旗都關我事呀,幾勁呀!(其實我都係自言自言啫)
疑似港男同事(佢咁岩坐我隔離真係慘):嗯。
我:哇哇哇,仲有呢個,都幾犀利架喎。
疑似港男同事:(半咸淡廣東話)啊?你頭先講咩,可唔可以講多次?
我:無呀,我話我要去升國旗咋嘛。
疑似港男同事:!

都真係幾低b下,要掩飾下自己既真面目至得。

廣告

5 thoughts on “我的新(奇)同事

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s