暴力狂魔

教員室門對出,有一間大房,足有兩間正常班房的大小,除了午膳放學有留堂之用,平日上課時間就用來安放被停課的學生,有訓導組同事長駐。房間的編號為一零七,學生們亦深明此房的用途,有時只要唸出號碼就能唬嚇他們。

雖則學校banding不算高,但勝在訓導支援充足,這是我喜歡在這兒工作的原因之一。

星期五行經一零七,看見我班的一位學生坐在裡面。正常上課時間出現在此處,肯定唔慌係好野,犯事居多。

出於關心,我走進去探望一下。(其實真係好似羈留室!)

「點呀,衰咩呀?」
「無呀,打人囉。」(!!!!!)
(但要扮鎮定)「打咩人呀?」
「Form1仔。」
「你大蝦細?!!!」(他是個中三的大男孩,比我還要高)
「唔係呀,miss你唔明架啦,佢好寸架,所以我先要教訓下佢。」
「佢做左d咩你要打佢呀?」
「佢寸我呀嘛,咁我咪一拳打埋去囉。」

我腦中即時回憶起先前的一段畫面。三個星期前,我班放學開中秋派對,學生邀我同去,但那天學校有祈禱會,教職員規定要出席,所以我只能留一會。離開前,剛巧跟這名學生有段對話。

「我要走啦,你地慢慢玩啦。」
「唔好啦,點解咁早走呀?」
「我要去學校祈禱會呀。」
「唔去得唔得架?」
「唔得呀,校長會鬧我架。」(吹水的,其實校長唔會鬧,不過規定要去囉)
(忽然激動)「邊個鬧我班主任呀,我打佢呀!!!」
「校長你都夠膽打?你都好惡啫,哈哈。」

當時不知情的我,仍然嘻嘻哈哈應對,心頭卻多了點溫暖,因為感受到他們對我的倚賴和信任。但現在想來,他所說的也不是沒可能!

回到羈留室的對話中:

「唉,你下次唔好咁衝動啦。」
「等我搞掂埋d野先啦。」
「你想點呀!!!」
「無呀,都係接下放學咁囉。」
「你唔好呀你!!!」
「得架啦。」
(下刪無限句阻止的說話,但勸唔掂的)

咩事!點解可以咁,完全以暴力解決問題,非常原始。我好驚喎,如果有天我開罪了他們,我也會被打嗎!

後來,我收到我班上另一位學生記缺點的通知,原因是:打人!!!

咩事呀佢地!他們是暴力狂魔嗎,動不動就出手打人。打完人咁又點呀,可以解決問題嗎?

廣告

8 thoughts on “暴力狂魔

  1. 小詩係一個教過暑假雞精班o既導師,但以前係初中都有試過打大交(好彩無記過缺點)。

    我覺得細個一定想扮大個仔,打人係其中一種認定自己有獨立生存本領o既方法,加上浩南哥呢類o既icon係中學生心裡面根深蒂固,「o趙佢、接放學」真係隨腦都捻得出。打左先算不嬲都係學生圈正常出現,佢地由細教落都無咩責任感o既(佢最講o既責任咪義氣囉~)。

    孖瑩老師,小詩有個問題多年來一直捻唔通,就係點解俾同學仔打唔可以自衛還手?假如被打一方唔還手分分鐘俾人打到流血(甚至有性命之虞)都似,我初中次次打大交都係俾人打而還手,結果俾人罰留堂加見家長。捻起都仲覺得有D委屈…

  2. 第一次留言!睇你個blog嘅文字同相,真係唔覺你二十有二(仲比我細三年),係唔係教書嘅會早熟呢?你嘅blog所講嘅班房事,令到小弟好懷念讀中學時嘅事,希望你繼續寫,比小弟可以繼續懷念。

  3. 打人,接放學… 真係好黑暗下wor,我稔起周星馳果d逃學威龍…
    yy老師,你真係要小心d呀!

    又,你學校特別開間咁大o既房用作"羈留"之用,咁校舍都好大下wor!

  4. 我估佢地唔係暴力狂黎既
    只不過唔識去處理呢D問題
    佢地又睇得多而家既漫畫,成日以為打人就可以解決問題
    同埋好威,所以佢地咪有樣學樣

    好彩我剩係教下中學生打波
    佢地唔聽話呢…
    就俾我呢個魔鬼叫佢勁做體能
    結果而家對住我好似隻小羔羊咁…..

  5. 唔好話你的學生..我身邊都有個暴力怪~ 尋晚佢俾人爬頭..b完人仲唔憤氣駛去佢旁邊送佢一句粗口(非常粗及充滿怒氣)..真係嚇我一跳..望入銀色私家車中的是一名肥佬..貌似黑社會..之後佢追上來..仲勁講"我xxxx呀拿"..真係好驚..我就同老公講..你咁樣唔得呀..發洩左怒氣咁又點..有幫助咩..(仲自製危險又令人擔心)..人地無品你都無品啫, 咁你同佢有乜分別? 佢馬上都後悔..但人口裡所出的就反映佢心裡所想的..佢成日都係唔鍾抵得呢d野..其實點解唔可以接受..呢個世界就係有d咁唔守規舉既人..當然如對方真的不小心太過份可能會影響到自身安全…但而家未麻..咁原諒佢囉~或者佢完全唔覺爬頭有乜問題..咁要教育佢囉..我覺得自己好有耐性..但容忍唔等於接納..每次遇到類似事件我都會重覆我的睇法及立場一次..我唸你有機會都可以同你的學生滲下"暴力唔能夠解決問題"..雖然佢地可能已聽過無數次..

  6. Stephen Wong:
    我同意,所以要慢慢學啊。

    詩白爾:
    其實我都無正面處理過呢類型事件,一般都交由訓導處理,他們的角色比較好辦,而我們就安於做「好人」,分工合作。

    不過,始終動手打人都要承擔後果,無論是出手還是自衛。

    Jay:
    謝謝。你有見過我真身嗎,咁你覺得我似幾多歲@@。

    Clara:
    都唔算好大既,普通千禧校舍。

    韋嚇凸:
    教pe/教波的老師就有這個特權啦。如果我地叫學生跑圈會當我地體罰,會被人告坐監架,好慘的嗚嗚。

    C姐姐:
    係囉,點解男仔永遠都係咁暴力同衝動既呢,做之前又有無經大腦諗諗先既呢。

    Kris:
    可以點教先 @@。

    係人都會發火,唔發出黎谷埋谷埋仲大鑊喎。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s