我唔係茄喱啡,我係演員!

繼昨日做完一場大戲,我的演藝生涯原來還未結束,今日又再次踏上檯板。

今天是九九重陽。早上七時多就起床,先化個看起來很精神的淡妝,選套得體的便服(便服都仲要得體!你話係咪幾有難度呢),再山長水遠乘車前往親戚們的聚居地。晨咁早,好明顯就是親戚飲早茶環節。

到達酒樓,還未坐下,已經要不斷地假笑。掛上一號微笑,即輕輕地牽起嘴角,不能太多也不能太少,維持開懷與冷漠之間,再加半分害羞,就是面對親戚們的基本臉孔。

「阿女咁耐無見,靚左好多喎。」「咁叻呀,出黎做野啦。」「有無拍拖呀?」「養家啦喎,阿爸可以退休啦。」「差唔多架啦,搵岩就結婚囉。」「食多d野啦,唔好減肥啦,太瘦唔好睇架。」「仲細個,玩下先啦。」「阿女咁孝順,阿爸阿媽享福囉。」……(下刪三百句類同說話)

以上,無論是問題或評語,一律只需以假笑來應對,即使內心有幾想狂呼下想點呀關你咩事呀咁又點呀,都要暫時抑壓。

我懷疑,其實我是職業演員。

要不是為了雙親,我。才。不。會。去。

你說我不重感情也好,無視家族血脈也好,但我就是不想浪費時間在虛偽的關係上。我寧可跟我喜歡的長輩喝茶,因為我實在知道誰真正待我好,而不是那些只八卦你今日x左未的人。

唉,仲慘過返工。

廣告

9 thoughts on “我唔係茄喱啡,我係演員!

  1. 今年暑假回香港我也遇上了同樣的事,雖然我只有year 10,但是面對親戚,我的態度跟你是一模一樣。

    最難受的是-「我以為你同媽咪一樣高添!你個樣無咩點變囉~」

  2. 同你一樣都唔鍾意d咁ge事,但又係冇得避。又就黎有d咁ge meeting啦,死未,見到你呢篇野,原來在同一種環境下會有如此反應的不只我一人,我都唔係咁唔正常姐。

  3. hahaha 你真係好好笑 XD
    我稔好多人都有呢種三姑六婆/叔o既親戚吧 =P
    我d親戚都幾好,唔會咁多野講/問,又或者係我比較潛 & 懶,有d家庭聚會我都無去,稔稔下… 我都唔知幾年年無拜山了 hehe

  4. 以前都經常o係大時大節,俾班親戚朋友問呢樣問o個樣。特別係問到我「點解唔拍拖?」、「做乜唔識個女仔啊?」、甚至拎我o既政治取向去玩o野o個陣,真係會有o的火!

    後來我就好直接同佢地講:

    「如果你地再敢玩o野,親戚都冇面俾,一樣照鬧!」

    以後佢地都唔敢再問我呢o的問題。

  5. 慶幸我沒有太多親戚在香港..不過..我一次拜山的經驗都冇..我估都幾辛苦..唔好我行..哈哈..不過每年去台南過年..男家都有個習俗就是逢初三返鄉下擺幾圍食飯..都會遇到類似情況..好慘..因為我又聽唔明d台語..完全係個局外人咁..d野又唔好食(年年都有鐵板雞子–仲話係最經貴果樣..想死呀..我一次都冇食啦當然..好嘔心!).. hea全日先返屋企架~~~~

  6. 幸好我親戚不多,唔,現在看來恐怕是他們覺得我煩了,問三問四。你下次咪問番佢地轉頭囉。佢地八,你要八過佢地。問到佢地以後唔敢再問你。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s