咩世界

很勞氣的。

似乎每天都有令人激氣的事,我已經不斷說服自己別為這些小事牽動情緒,但真的好難。

好討厭上中二的課,他們是零學習動機的。(幸好我只教一班中二)

零學習動機啊!你可以想像得到嗎,唔學咪唔學囉,唔識咪唔識囉咁又點呀,態度極惡劣。

事件一

今天看到他們的死樣,我按捺不住,責問他們是否不想讀書不想升班。

點知,佢地答:車,三三四呀,我地一定升到班既,讀黎做咩!

激到我死死下。

我係咪應該多謝香港偉大的教育制度。

事件二

有人上我堂看書。

一早說好,被我發現除了課本及文具以外的所有物品,一律沒收,永不歸還,哪管是教科書或課外書。

今天的戰利品是圖書一本,和扭計骰一個。

其中一位被沒收者,放學來找我求情。但不果,於是發皮四。

而家香港邊條法例話你可以收我本書呀!(重覆x20)

此人好明顯已經喪失理智,勁痴線,愈講愈大聲,好得人驚。

我只好叫他冷靜,若果下堂表現良好,我可以考慮發還。但他依舊狂呼。

你話幾恐怖呢,而家咩世界呀!

廣告

17 thoughts on “咩世界

  1. > 若果下堂表現良好,我可以考慮發還。

    咁差態度你仲咁益佢!!!
    你應該同佢講:香港無法例比我沒收,你叫你家長黎見我,我咪比返你囉。

  2. 即係其實你又真係一定要俾返佢的… 細路哥唔識嘢可能會驚,但係俾著我呢啲仆街會直接同你講你唔俾返我我咪報警囉 XD

  3. 叫佢老豆嚟攞番。

    這裡學校的規定是這樣的,沒收了的東西要家長過幾天或一個星期來學校取回的。

    我常說美國學校有點似監獄,不過,如果教咗啲生番,是需要這麼多規定的。

    下次白紙黑字寫明,沒收的東西要家長來學校取回。不要跟他們爭論了,這是規定。

  4. 其實學生怕煩唔怕被罵..所以你可以試下..見一次收一次..佢放學黎攞你就俾佢..佢唔攞返你就繼續沒收..第二次你可以話..我已經俾過一次機會你喇喎..之類..叫佢父母黎攞我都覺得幾好..不過..你唔知呢d學生有乜父母..可能佢地都會熱你, 什麼我俾個仔黎讀書係要你教架..你點教架..之類..好似好灰添..不過..真係見到都嬲死..精神上支持你呀~! 該惡時就要惡~

  5. 我覺得係因為而家個社會複雜左,資訊又流通左,好多小朋友好細個已經開始接觸大人o既世界,所以自然變得「老積/醒目」……

    我諗我地已經唔可以再將佢地同我地自己細個o個時做比較喇,一來無意思,二來都好唔公平……唯有辛苦各位老師同家長啦!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s