最好不像

不知是新陳代謝特快,還是短髮的壞處,頭髮不到兩個月就長得受不了,要去剪趟頭髮。

我又剪了個標奇立異的奇怪髮型。

比先前的短得多,而且長短明顯不一,左邊比右邊長了起碼兩吋,留海剪齊剪碎了,整個就是奇怪。

但這理應是不被允許的。大家都該想到我的職業吧。

這當然不是出於我的主意。原因是,一,跟從多年的髮型師哥哥有好多新奇的想法,見我曾大膽地把瀑布長髮一口氣剪去,臉不改容淚也沒流一滴,看我好爽快的樣子就猜想我的接受能力很高,常在我頭上試很多新野;二,他並不知道,我是教書的。

同事知道後,十分驚訝,狂問我為何不告知髮型師,若他知道後至少會有點分寸,會就住黎剪嘛。

我就是不想!

其實平日都不想向人標明自己的職業(偏偏很多認識我的人都要強調我的職業!),不是覺得羞恥,只是人家得知後總會定型我是怎樣的。

但我想講,都係打份工啫,為何要對我如斯高的期望,彷彿我永不會犯錯,一有過錯就套許多道德帽子來壓死我。請問我在街頭吃口魚旦,趕時間衝次紅燈是否要拉我去坐監。

生活中有太多被stereotype的時候,實在不想連剪個髮都要被限制。

況且,教書的女生,如我所有的女同事,都是一式一樣長直髮,悶死了。我不想我的下半生都要不斷重覆在salon做負離子。

換換髮型,也是其中一個令我心情愉快的方法。

所以,當有人說,我外形上不太像個老師。我會暗喜,不像就好,最好不像。(只限穿便服的日子,一但披起上班服,我又回到了好教書的模樣。我也不想的,但返工有dress code架,總不能穿得太離譜。)

但,我又諗,可能我要快點向髮型師哥哥揭露身份。

因為,據髮型師哥哥所說,我現在的髮型已經被他玩悶了。

要先描述一下這位髮型師。環觀香港眾多大小salon,在裡面工作的人的style大概都是那幾種,而髮型師哥哥正是有點punk又帶點rock味的衣著,一頭漂金的長中髮,又高又激瘦,就是《爆粗band友》的主角那個差不多樣子啦(!)。

爆粗band友樣的髮型師哥哥說,下次幫你剪個蔡少芬頭。

下,珠光寶氣?我問。(我無睇電視都知呀,幾勁)

大佬唔好玩啦,我又無蔡少芬咁既樣,無外表無身材無高度,如何配得起如此高貴的髮型呢。

我不斷狂拒絕,又說多幾個理由,就冬天啦剪到咁短條頸好凍的,我塊臉超大呀一點都唔襯,蔡少芬頭太成熟唔多配合我既性格喎。但他好像聽不到似的,又忽然說,都係唔好,過年呢個look岩呀,等多幾個月先剪。

哇,好驚呀我,爆粗band友係唔會聽人講野架,冷不聲防幫我剪左咁點算呀。

後來跟蘇儀小姐說起,她說要日日著到戲入面咁靚咁行先襯。

我說,邊止,仲要日日化個咁行既妝添。

但蘇儀小姐你似乎忘了重要的一點,我並唔係蔡少芬咁既樣,即使日日著到戲入面咁靚咁行,化個好行既妝,都係會出哂事。

廣告

15 thoughts on “最好不像

  1. 我有個舊同學又係教書,聞說她在下班之後往往打扮性感落D玩……但我覺得無問題喎!老師都係人姐…

  2. 凡事都可行,但不都有益處;凡事都可作,但不都做就人。我想,作為老師,在聖經的教導上,豈碼不要伴倒學生,你記住這點就好。

    …其實…或許你真的要給自己一兩年的時間..再去決定自己是否要走老師這條路。

    我未做過老師,不過我覺得呢個係一個好神聖既職業,因為被付予左能力唔單止教學術性既野,仲可以教學生做人。絕對唔係"都係打份工啫"(我唔係想俾壓力你,我知你已經好辛苦,同埋我知道可能呢個只係你果一刻既唸法,唔代表全部);但係冇使命感咁去做咁同補習班既老師有乜分別呢?

    我覺得作為一個老師,要同學生教學相長,而且要做到裡外一致(其實做基督徒都係一樣,不過,又有幾多人做到裡外一致呢,我自己都做唔到)..真係好難。當上次聽到你話係呢幾個月經歷左神好多恩典,我心裡面真係好希望,你可以一邊做一邊求問神,睇下幾時你的心態先會有轉變(我唸你會覺得我好 harsh)..不過做得開唔開心..點去面對別人世界的眼光及期望..就好睇你的心態了。

    最後建議你可以找佩x,澤x等年資比較耐的中學老師傾下計,我相信佢地都經歷過你呢段過渡期,亦好願意與你分享,然後再唸唸你有冇信心渡過..同"最好不像"及"我也不想"講拜拜~

    加油~ (不見你寫 blog 就知你忙..想問候你又唔知何從入心..因團契時間冇機會..anyway, Fri有去 bbq 嗎?)

  3. 社會歷鍊比我豐富既Morning後加一句,今日我無情d俾以上既feedback你,好過你到時係出面俾你"打"到成身傷晒,希望你明白,我是出於好意,一定要俾自己一個死線,因為你份工,唔可以死撐架~保重~

  4. 我要補充.."但係冇使命感咁去做咁同補習班既老師有乜分別呢?"是 generally speaking,我唔係批評你有定冇..只係我的唸法~

    就算你今日做老師的任何人可能未覺得自己有,希望呢個問題可以令大家有更多恩考..我自己問自己,難道打工仔的我,就不需有使命感的嗎?不是的..在不同的崗位上,我們有著不同的使命~這是我的看法

  5. 我以前學校有一位靚女老師,每天真的化行粧來上學的。有同學有一天數過,她的眼影有三隻色。又有一位身材靚到暈的老師,為何知佢靚到暈呢,因為她每天都穿貼身長裙,件衫又貼,我們看見也有些心驚膽震。

  6. 嘩講起『老師樣』呢,我都有野講!
    因為u grad之前個個都問我"係唔係想教書" or “你個樣好似教書,去教書啦"
    我都好唔鍾意 haha,點解我個樣似就要去wor,可能呢個都係其中一個結果我無教的原因

    註﹕我a level揀科時係稔住入呢個系順便讀埋cert edu的,不過最後 year 1真係要apply時就改變o左主意了~

  7. 瑩呀瑩,

    雖然樓上C姐姐講既係有d道理,但我又真係好唔同意要為教師呢個身份定性喎。

    嗯,當然,你想教好學生,比個好榜樣佢地,某幾種形象都需要,不過,唔係一定要“某一種”形象囉。

    以我自己做人父母為例,唔可以死用“一種單一形象”,唔掂架。(點解?下刪百餘字)由此引伸,我覺得教書/作育英才都更加要諗清楚。

    係,consistency 好重要。但唔係外表,係core values。呢個core values先至係神既形象,唔係人既表裏一致。要記得,表,唔係外表。(抱歉,no offence)雖然外表儀容衣著都會對學生產生影響,但我相信,係某d情況,對於某d學生,出自某d教師,“表”既轉變可以向帶出重要信息,比佢地去體會“真實”係點,而唔係淨係俾佢地睇到“學校”係點,而且,最重要比佢地知道,點樣既轉變,先至係“好”(或者唔一定要“好”)。對於某部分眼中只有學校既學生(唔一定係成績好既乖的學生)我覺得尤須要如此。對於已經多有接觸世面的學生,亦可以可能是好事。

    我相信瑩你絕對不想絆倒你的學生們,但我更相信,神所賜的世界,是要我們學習。而無論學到什麼,得到什麼教訓,也必定適合你自己的。

    最後,未必所有人對於“自己身份的定位”,能夠與“對象的期望”可以磨合到。還是要注意。也不要忽略替你擔心的人的話。(不是我喇,我對你沒多掛心哦)

    了解自己,永遠比了解一個行業,一個身份更重要。

  8. 嘻!好熟悉嘅片段呢~
    髮廊裡面其實坐咗好多咁嘅客人,
    你唔係第一個亦唔會係最後一個~

    加油!^^

  9. 我也是不喜歡透露自己的工作,理由同樣是別人會扔來一大堆成見和定型。

    我覺得如果你的髮型師是如此特立獨立的話,即使你跟他說了你的職業也無補於事的…… 也許會激起他的挑戰欲望… 到時更大鑊~~~

  10. 很認同C.M.講的

    “未必所有人對於“自己身份的定位”,能夠與“對象的期望”可以磨合到。"
    因為這句話讓我反省,也很慚愧,因為我知道我的言行也與基督所給的恩不相稱~

    “了解自己,永遠比了解一個行業,一個身份更重要。"
    因為這句話讓我反省,也很慚愧,因為面對別人,永遠也比面對自己來得容易~

  11. 期望係家長既問題囉,做學生既有邊個唔想個老師得意d,多d有趣既特點。唔知你教form幾啦,起碼上到form 4/5,真係好難忍受d老師仲係咁鬼悶。

    即使外表個個一樣,長直髮,黑色套裝之類(但我讀書果時成日見到唔同花樣wor,都叫做容許架),每個人都有自己唔同特點架啦,唔一定靠衣著打扮先唔會咁悶既。你見過好似你形容果類典型打扮,但係性格行為有d似《爆粗band友》個女社長一樣既老師未?

  12. C姐姐:

    嗯,如有任何誤會,請原諒我。我並無企圖要帶出任何人會不符某些特質。

    我個人有一點非常在意的,或許就是你所說的“恩”。這個恩,是學習的機會,改善的機會。一個人能夠盡力,不單盡力做,還包括盡力學習,我覺得才是報恩的方法。

    一個學生就算如何頑劣,若他只是“肯”學,不論他能否擺脫誘惑,就已經是報答老師的恩了。對嗎?

    所以,我的羞愧不比你少,一起向前走吧。

  13. 我也讚成自由,但同時,你可以想像一個剪爆粗band友頭的警察嗎?你會否覺得他不認真?

    人工就是包埋要你忘記自己的自由啊~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s