樣衰的我(二)

(這篇是上星期寫寫下一半不小心睡著就擱置了,而我竟然整整一星期都無時間寫blog讀blog,離哂譜)

關於剪髮一事,竟然還沒寫完。

而且再次採用樣衰的我作標題,可想而知唔慌係好野,又是樣衰事一則。似乎儲儲下好快夠開一個樣衰系列。

事緣剪髮時,髮型師多口問句,陣間去邊。

怕麻煩的我就回答,無咁早返屋企(當時是下午五時多)。

於是,呢位髮型師先生就自行替我拿主意,剪好髮後幫我弄了個好勁的頭。有幾勁?就是用了個好古怪的梳,把我的頭髮吹曲了,再gel起了。是很型的,但型過了龍,不是我style囉。

他說,幫你整個靚頭出去玩啦。

而實情是,當晚我要去參加一場培靈會。

係咪想死呢,以一個如此激的造型去做一件如此屬靈的事,當場的教友定必會為之側目了。

一個人在街上遊走,極之不想撞到熟人,我只想盡快完成所有該做的事情,趕快回家沖涼洗頭回復原狀。

然後,這件事有下集的,所以才會釀成很樣衰的局面。

第二朝,我又fingfing袋咁,快樂地回到office我的位子,剛巧碰上某主任。這位主任,他不過三十來歲,已婚但感覺仍很年輕有型,和很搞笑的。

他一開口就問,尋日放左工做咩唔返屋企,仲出去玩呀。

我心虛,即答,下有咩。

原來昨晚在街上被他撞到了!!!!!而我是完全懵然不知的。

據他所說,他發現一個很熟口面的同事,但感覺完全不同,幹嘛日間上班時仍然很斯文正常的樣子,一到晚上就要變身化成貓女郎(!),日夜要做不同的造型嗎。

呀主任話嚇親佢,佢覺得我係乖乖女來的。

尷尬死的我,立刻解釋清楚,但仍好樣衰囉。

(咦佢又接受到我早上的新髮型喎,所謂的標奇立異都ok的)

廣告

4 thoughts on “樣衰的我(二)

  1. 真係好樣衰ar。。。。>< 不過有你d咁ge同事,你d同工先會覺得冇咁悶^^ never give up. 下次同你個髮型師講,爆d唔該!

  2. 其實你既髮型比我想像中的順眼及好睇好多..anyway so happy to see u today!!! 我都見過老師係地鐵改卷..一d都唔覺變態..只"登"佢地辛苦..加油!!!

  3. haha 真係幾好笑 wor (唔好意思 =P)
    我知點解某主任覺得你個標奇立異頭ok,因為同你果晚撞到佢果個look comparatively已經好好多,所以佢都唔敢話你喇 hahaha =P

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s