廢人看電視

(為了鼓勵自己多寫blog,
決定以短句來取代段落式,
想到甚麼就打甚麼,
以減輕寫文章的心理負擔。

唉,當初寫blog時暗裡許下不寫短句不寫口語不錯別字的承諾,
似乎都已消失得蕩然無存了。

生活,就是妥協。)

週末難得沒事幹,死也不願出街!
決定就這樣窩在家,
甚。麼。都。不。做。

(雖然犯賤的我還是搬了一疊簿回家改。
鬧我吧!盡情地鬧我吧,我知道我是變態的instead of工作狂。)

作為在不事生產的廢人,
除了睡,還可以做些甚麼呢?

上網做宅男干物女?我都嫌太累。
(我在家連開電腦都唔想呀,一開電腦=工作,
我只會閒時用iphone plurk下check下email讀下google reader就算。)

廢人活動排行榜三甲之一的睇電視我又點可以唔做呢!
一於窩在梳發上清空腦袋看電視去。

平日甚少看電視的我,
根本不知道現在的電視會播甚麼樣的節目。

一開電視:係咪小兒科。
老實說對於又是這種知識型問答節目我是零興趣的,
不過這個節目特別在於以一班小學生寸返大人,
灌輸一個「睇下連班小學生都識既野你地班大人都唔識呀,
唔好以為自己好叻睇唔起小朋友先得架」的新觀念。

作為噱頭是很不錯的
(ok我知無創意的無線梗係又係抄外國受歡迎電視節目的啦),
但我質疑的是:d問題深到咁樣樣,班小學生唔係真係識下話。

例如回文詩既讀法
蕭邦巴哈莫札特係邊個國家出生
薑汁撞奶基於咩成份可以將薑汁凝固
香港政府批准用滑翔傘可飛行的地點
北極光的產生是太陽粒子以高速穿過太空後與地球大氣層上甚麼氣體碰撞而產生呢?
(想知答案又或者想玩下既朋友可以去呢度

喂唔好玩啦,真係難到喊,
大學生都唔識啦,班小學生又點可能憑平日既學習學識咁多範疇既野!
據班小朋友所講,只要平時睇多d書就會識,
係咪咁堅先,咁我地香港既未來咪好有希望!

經過我與家弟簡單分析,
估計呢班小朋友應該係入場錄影前比監製塞左一堆答案喪背,
然後到錄影時就將事先背好既答案默返出黎,
這個任務對填鴨式教育下成長的小朋友是完全no problem的!
(ok如果有睇岩岩孫耀威果集就應該會發現有個呆滯細路是背錯答案的,
明顯是無經大腦思考下的結果)

但究竟真相是怎樣的呢,
有無人識三姑六婆個仔表弟表妹姪仔姪女上過呢個節目,
可否告訴我其實班小學生係咪真係咁堅?

我諗,我都係時候搵返本十萬個為甚麼百科全書出黎喪背了。

廢人活動二:睇完電視,再睇電視。

係咪小兒科之後播韓國電影醜女大翻身。
這套聽說很好看又賣座我卻未看的戲我當然不會錯過。

故事又是老掉大牙,
本來又肥又醜的女主角擁有一把甜美歌聲因受了打擊去整容,
整後成個靚哂連世界都美好最後成了歌星。

價值觀又是錯到離哂大譜!
有乜理由肥與醜就不能在社會上生存,要用整容來改變命運,
但偏偏整容後女主角真的由地獄升上天堂,
由本來人見人憎,到靚到可以電暈一街人,人人拜倒其石榴裙下。

特別要提提女主角金亞中,
化肥妝做醜女時真的面目可憎到想打鑊佢,
不是瘦身男女鄭秀文那種扮肥的誇張,因為金亞中扮肥女真係扮得好似,
但整容後變靚女時真的靚到好似天使!
身材比例好不在話下,連撥頭髮都可以散發到一股氣質,好靚啊。

你話有乜理由唔教壞人丫,
睇到我都想去整一整。

閣下如果擔心我會去整容又或者自己都想去整返舖,
可以看看以下片段,有助解毒。
沒有雙手雙腳的澳洲人Nick Vujicic
只有三根指頭的香港女鋼琴家
或今集星期日檔案被曾被神經漢推出月台而只剩下一條腿的男人。

So amazing!!!
他們都尚且如此愛惜生命,何況是我們呢。

廣告

10 thoughts on “廢人看電視

  1. 係咪小兒科
    個科目基本上無咩點講,之前有一集半集立過下.
    如果佢地係喪背答案的話,我覺得,佢地又幾好戲喎!
    香港娛樂界有希望喇!!

    醜女大翻身
    我只想講,女主角真係索到啪啪聲喎!!或者佢真人都可能整過黎~

  2. 想到甚麼就打甚麼,
    以減輕寫文章的心理負擔。
    唉,當初寫blog時暗裡許下不寫短句不寫口語不錯別字的承諾,
    似乎都已消失得蕩然無存了

    你終於摸索到寫blog 0既正確態度啦,
    relax D, 蛇D, 求其D,唔好成日喪做,喪食,喪喊,喪…………….咁極端

  3. 陌生人留言ok架呵… (我係交叉扑叉入嚟的說)

    我細個嗰陣都參加過電視遊戲節目架!! 十年前到啦, 我去亞視嘅 (嗰陣亞視被有咁差架)
    我記得嗰陣係要標榜我地唔知d咩啦, 咁答題有好多題, 但有一堆答題俾你背
    但出嗰陣次序不一咁囉

    我覺得小學生唯一可以勁過大人嘅係心算鬥快囉,
    因為我諗我上咗中學以至而家大學… 唯一唔及以前就係心算冇以前咁快
    多得計數機… 連plot graph都識仲可以program添…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s