迪士尼雪亮聖誕

本世紀最out的人出現了!!!
過了聖誕n日才去迪士尼的雪亮聖誕,仲要夠膽寫返出黎,
你話我係咪勁呢。
(證明值得推介啦喂)

老實說,
當天的天氣認真麻麻,一滴陽光都沒有啊,
個天灰到不得了。

disney6

(你睇個天幾灰!!!!!)

但向來懂得自娛的我當然不減半點興奮。

以雪亮聖誕作主題的迪士尼,
入場時會派你神奇立體光影眼鏡一幅,
究竟有甚麼用呢?
天一黑就會知道的了。

零童真的我,
本來就對米老鼠維尼the pooh以及激似鄧梓峰的巴斯光年先生沒甚興趣,
但我還是很乖地排下隊玩下機動遊戲,
和玩了一轉上次來已看過的小小世界。

其實都幾好玩丫,
如果唔使排隊的話。
(好明顯後面一句才是重點。講真我真係唔多鍾意比d自由神壓逼)

相比下,我更愛看迪士尼的劇場!!

今次成功捕捉時間看足三場,
分別是獅子王慶典,米奇金獎音樂劇和米奇幻想曲。

好好睇!!!!!
而且歌又好聽,
明明上次來經已看過都同樣投入,
讚嘆位依舊繼續讚嘆。

明顯都是有heart之作,
所有演員都落力地表演,
你可以看得出他們是enjoy每一場演出,絕無hea做,
看得我好感動啊。

玩了大半天,天都黑了,
本來打算玩得累就走回美國大街去畫公仔,

disney2

(你睇棵聖誕樹幾靚先得架。)

怎知道雪亮聖誕的戲玉來了!!!
就是:飄雪紛飛。(唔知點解會諗起呢個娘名!)

disney3

由於小妹未曾見過真雪,
所以無法跟真雪對照比較。

不過如果純粹說感覺,其實真是合格有餘的了,
起碼我們一群站在大街的人,
當下有產生一種下雪了的錯覺,
異常有聖誕氣氛呢。
(雖然事後發現自己成頭泡係幾無奈下)

disney4

呢張相又發生咩事呢?
唔係扮野架喎,零effect,堅係無意中被拍下的。
(當然,我另有一堆扮見到雪境而擺出好奇又興奮的作狀相)

平凡如我都可被拍下如此有意境的相,
呢個飄雪係咪好勁呢。

玩完雪,都差不多九時,
就走去睡公主的堡壘前等放煙花。

燈凳凳凳,神奇立體光影眼鏡是時候出動了!!

透過這幅眼鏡看燈光,
眼前會出現一個個小天使,
上下擺動它,小天使們更像在拍動翅膀呢。

原來看煙花時也能用的!

disney5

又要欣賞煙花又要手執眼鏡又要拍照雙手忙個不停,所以拍的照都好醜,
有人看得出是小天使來的嗎。

看煙花時又有另一番感動,
我看當然是歸功於迪士尼的配樂啦,
畫面上的震撼,再加聽覺上震撼,就是雙倍震撼。

看完煙花,
又和群眾一起逼逼逼著離去了。

係咪覺得好精彩呢,
check一check,原來迪士尼的雪亮聖誕剩返呢個星期,
除夕更有米奇陪你倒數喎,
夜晚入去齋睇雪境看煙花都值啦。

廣告

2 thoughts on “迪士尼雪亮聖誕

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s