慳家女的真心推介

眾所周知我是個慳家女 (我都知手執iphone和一年去四次旅行的我實在是零說服力的,ok! 我是應使得使那種人,不是完全不花錢的那種吝嗇鬼,該用的地方就適當地運用金錢啦,有智慧地消費 (偶然老貓燒鬚地買了垃圾回來的不算數啦 hahaa)。況且如iphone之類的用品已成為基本需要是無法避免(喂!),總括而言我這個人仍是很慳家的(!))。

慳家女是唸商科出身的,對數字自然比較敏感。自工作後尤甚 (深知賺錢辛苦嘛。),每每收到信用卡電話費等等的月結單,總反射性地查看一下。此行為的確太c9,但我無法不這樣做,因我實在非常信不過那些所謂的大公司,常陰d陰d收多你錢,哪怕是一百幾十,就是奸!

(要寫那些可惡奸商的二三事簡直又可另開一篇再寫! 相信大家都經驗過不少吧。)

家裡的日常雜費開支向來由家母管理,我只負責付家用,其餘的都沒有多過問。有次跟家母閒聊,才得知我們家的上網月費竟是$246,原來上網是如此昂貴的活動 (難怪說基層兒童都無法負擔上網啦!) (既然咁貴咁有得上我地真係要上多d網啦(!))。

近來宅男宅女間的熱話是,香港寬頻的$99 極速光纖100Mbps寬頻上網月費計劃。仲要推薦兩位朋友用即可免費使用。$99!!!!! 一百蚊仲要有找,會不會有點太做爛市呢。

有比較之下才發現我家正在用的plan是多麼的搵笨:3M寬頻上網 + 24個月的死合約。(3M!!! 人家香港寬頻是100M呀,網x行你點好意思賣這種服務給客人呢! ) (哪為何我們家會如此死蠢地光顧此貴夾唔快的上網服務呢?全因家弟拼死要NOW來睇波囉,但呢個人又住宿舍喎咁睇咩呢下! )

在我心中馬上彈出一條數學題:$246 – $99 = $147。嘩,每個月慳了差不多$150,我每月購買課外書的budget即時可加增,剛好夠買一set兩本的本地漫畫奇葩姊妹作《偽科學鑑證》《標童話集》啊!還有,上星期happy hour時段唱k花了大約$50 (唔知呢排係咪好少人唱成日全單七折既),我又可用這筆錢一個月唱足三次k了 (該會啞了吧!)!還有還有,平日我最捨不得買的就是iphone app (看我多慳家!),每隻app平均US$0.99 – 1.99,如果用慳了的上網費就足夠我每月買十隻app來玩了!

想起都教人開心興奮!(我想到的用錢方法似乎太宅女了一點 =.=)

既然PR有如此好推介 (其實我都唔紅架,在blog界幾乎零知名度的我竟也獲得青睞,真是謝謝呢),當然是好想火速登記使用啦。

怎知道一問之下得知,第一,原來我家的死人合約要到明年三月才約滿 (吼!);第二,我家的大廈並未被香港寬頻的光纖網絡所覆蓋 (吼!!!),整個人馬上灰哂!!!

正所謂自己用唔到都想益下人啦,慳家女的真心推介,各位若是無約在身的確可以諗諗呀,不容錯失。

廣告

10 thoughts on “慳家女的真心推介

    • 禾口言己?江湖傳聞狂斷線架喎,客戶服務又差又唔跟進,你小心諗清楚啦。

      至於香港寬頻應該可以係你滿約後再簽新約的,商業機構無話有生意唔做架,你可以問問先喎。

  1. 回番上篇留言先:孖瑩兄不是都是CUBA的麼?是對師兄的專稱; =)

    “況且如iphone之類的用品已成為基本需要是無法避免" <- 嘻,小弟想說,在美國所見唔好講iX/iY/iZ…甚至連手提都唔係人人有! XD

  2. 行不改名, 坐不改姓,
    我咪MN 0羅!
    不過唔抵得你係額頭鑿個 “慳" 字唷!
    為人師表, 掛羊頭, 賣狗肉, 阿彌陀佛,善哉!善哉!

    • 拿, 呢位朋友, 慳唔慳呢個問題, 每個人標準唔同, 都只係觀點與角度問題, 又不至於「掛羊頭, 賣狗肉」, 如果你唔抵得我寫既野, 大可以唔睇, 亦無謂動氣。

      我在這兒說了十億次, 教書的不是聖人, 我們都有犯錯的時候, 請勿將光圈加諸在我們身上。

      另外, 小妹信的是主耶穌基督, 盼望上帝同樣祝福你。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s