宅女的放假生活

或許有人會發現了,我把flickr放在blog上 (我發現我是早在07年開的,但一直空置沒用,想點@@…)。然後,該有人發現,我買了新玩意兒,E-P1。

為甚麼不是E-PL1?沒錯,膚淺的我確實曾被廣告中的無印少女所吸引,就如先前canon500D的廣告一樣,我是會以為擁有該機就必然帶有其氣質的(我真是一個很好騙的消費者!)。

每天打開報紙都看到其相機廣告,恨得我牙癢癢。剛巧我本來的相機壞了 (ok 是我荒廢它然後它自行爛掉的我知道啦),實在很需要一部相機來紀錄生活啊(!)。滿有計劃的我當然在放假前已做定功課,四處試玩試用,當時sales佬還兇我,全線斷貨無白色無白色,如果你要立刻預訂可能有,否則要到假期後才返貨。

哼好叻咩,今時今日咩服務態度呢請問,我最受不了那些唔憂做的服務員,咩事先唔買囉最多。

後來先後遇到very nice的sales,經他們非常細心地分析,發現E-PL1其實不如想像中美好,比起相差一千多元的大佬E-P1仍差一段街仔的距離 (下刪n個比較不同的理由),而且若要步入專業的影相人行列實在好應該拒絕假氣質的迷惑(……)。

Anyway,我就買了E-P1 with pancake lens,銀色的。(很實幹呢是吧)

自從買了新相機後,我的生活愈來愈宅女。(ok 本來已經很宅的啦!)

最近逛街都在搜尋相機套相機帶,活動範圍是旺角一帶的電腦商場,而路經boutique時我竟過門而不入(!!),實在是奇蹟。當我打開衣櫃時,發現只有黑白藍調子的衣服,悶到暈的配搭,也沒有心思費神去裝扮,得啦我認我是宅女了。

宅女不買衫扮靚,把錢轉移去買書。很有自知之明的我,深知攝影技術處於低b班的階段 (看看看上面那張相,很像怪怪的),唯有看書自習,起碼學會一些基本技巧,免得在我手浪費一台好機器嘛。各路英雄好漢攝影達人,有無攝影書好推介?

盼望我的學習可以天天進步。

如此趕急買相機,當然還有一個原因,就是:去旅行。

又。去。旅。行。!!!

不用激動,我自己同樣是這個反應。年初時我曾許下諾言:假如要我(工作上)忙到隻狗咁,我寧願一世都唔去旅行啦!!!!!!!!!!

結果,我仍然是忙到隻狗咁,不斷趕趕趕做到深宵。但有旅行去喎,唔係唔去ya?

然後,我諗通喇!我深信,可以去旅行,應該是一份獎勵,而不是懲罰來的。

今次去新加坡三天遊,明天上機,yeah!

廣告

8 thoughts on “宅女的放假生活

  1. 瑩瑩, 希望你出發前見到我個msg呀, 推介你去阿坤食咖央多士! 好好食呀! 我覺得係我上次去新加坡的一個highlight, 有機會試下丫!

    btw, 我都係Olympus的用家呢! 我都被EP-1同EPL-1的廣告吸引, 都好想買一部可以方便帶出街的相機..不過已經有一部Olympus單反, 再買又好似差唔多咁….你影多d靚相返黎分享呀! : )

    • 謝謝你呀iris!!! 剛好在出發前看到你的誠意推介,最後爭取機會去了吃(好好吃呀!!!),但… 這裡有另一個故事,我會再寫的,哈。

  2. 小弟自己睇dpreview.com,除左個四級防震,E-PL1個spec真係好過E-P1喎.E-P1要7k,好貴.小弟決定繼續帶400D去旅行.下次又係去新加坡喎.

    • 嘩,你有400D去旅行都夠啦,我是初學者而已,唔係好識野,如果你買左E-PL1要再分享呀!

      去新加坡一定要去universal studios呀,好好玩呀!!!!!!!

  3. 我本身用400d見m4/3細細部都好心郁換機
    尋日行入百老見放左部ep1 o係枱
    試左一輪問個sale宜家賣幾錢
    佢死都唔答話ep1停左產要買都買epl1
    入面一模一樣ar又平好多
    仲一手塞左部epl1俾我試!!!
    今時今日咩服務態度呢請問~~~

    等你得閒放d相出黎參考下~~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s