一零暑假電影巡禮(2)

續上篇

(請注意,以下並非影評,只是本人隨意亂寫幾筆,而且有嚴重劇透,完全不顧未觀者感受,歡迎討論,多謝合作。)

唐山大地震。

整體來說算是很不錯的。但我覺得有少少被戲名誤導了,入場前對該戲一無所知的我,以為戲內是記述唐山地震當時的整體情況,就像中學時讀過錢鋼寫的《唐山大地震》(呢本又係喊死人的書),包含好幾個家庭的故事。怎知道描寫災情的部分只有十多分鐘,內容也只是圍繞一個家庭。

這齣戲無疑是催淚的,尤其後來女兒跟母親相認的那段,根本就是逼你喊,一看到母親向女兒跪下認錯,眼淚是馬上流下來巴啦巴啦的,有無搞錯呀太太太煽情了。

還有就是,我不太頂得順那些硬銷的共產主義,甚麼毛主席是我們的再生父母 (天呀毛主席死的時候還會落淚!),紅衛兵是我們的救國大英雄之類,熱烈地彈琴熱烈地唱一片歌舞昇平喜氣洋洋的場面,假得要死。

很喜歡演方登養父的陳道明,女兒雖不是親生,卻愛得有如己出且無私,是個明白事理的好爸爸。

終於到全城熱話,inception

(講真中文片名改得很麻麻,潛行凶間四隻字是會令人覺得悶到爆炸完全提不起勁入場看的。)

這齣戲的火紅程度直達十級,是以我在上映後的兩星期完全買不到飛入場看,場場都全院滿座,有無好睇到咁離譜呀。

為免我做outdated王做得太久 (打開reader幾乎篇篇都在寫inception,我避得好辛苦啊),最後我屈服坐第三行。

結果是,好睇喎,至少比阿凡達好得多 (在劇情上),也算是我今年的the best movie (雖然今年仲有四個月,但都應該沒有更好的吧)。

至於內容分析,我亦無謂獻醜,太多blog都寫得太好,請移玉步去右邊欄I’m reading的分享項目。

結局部份,大家認為是虛還是實呢?當時我看到日本人成了阿伯的模樣已經心寒得不得了 (天知道他等了多少年!),他還要一副放棄的狀態看得我好灰心,所以我沒有相信往後的順利是真實的,而且最終陀螺不住在旋轉,即是沒有希望啦,永遠留在limbo卻不知道是假的。(好像很悲觀啊…)

後來讀到這位看了inception足足四次的blogger evil dead ash寫的 (很權威的樣子啊),他留意到凡在夢中的Cobb都是戴著戒指,但最後在入境過關時他是沒有戴戒指的,即是Cobb在劇終之時是在現實的啦?!(人生馬上充滿希望來!!)

雖然是沒有答案的討論,但這戲卻纏繞著我好幾天。(好驚夜晚發夢唔識醒啊。。。)

題外話是,戲中演Arthur的Joseph Gordon-Levitt (對呀即是500 days of summer的男主角) 好靚仔!(sorry我對演少爺仔的Cillian Murphy和走成熟型男路線的渡邊謙Leonardo完全零興趣,我的審美眼光果然很特別-____-。)

廣告

7 thoughts on “一零暑假電影巡禮(2)

  1. 不是啊﹐我也覺得J oseph Gordon-Levitt 好可愛呀~~~~ (對我來講﹐他是小男孩啦。) 全程最好睇係佢。

    而我覺得﹐全部都係Cobb既夢境。Yeahhh~~~

      • 唔奸架﹐有原因個播。(但你唔係要我講下嘛﹖我自己都懶寫。套戲好睇﹐但不是我
        杯茶。)

        不過如果唔係全部係夢﹐最後都唔係真。因為個 totem 如果跌﹐通常好快就跌。你
        又知唔知兩個小朋友其實換左人﹖! (大個左﹐衫唔同左。) 但點解佢地做緊同一樣野﹖點解個廚房一樣﹖! 理應﹐如果父母不在﹐子女可以由祖父母收養﹐但我唔相信佢地住同一間屋。(因為如果祖父母經濟能力不好﹐係唔可以收養個播。) 不過… … 算啦﹐擺到明就係點講都得﹐都係由得你點睇唧。

      • (係啦, 我都覺得你應該寫下, 因為你既見解一定會好獨特 hahaaa)

        我只係純粹覺得最後係夢既諗法好悲觀(雖然當初我都係咁諗),我都希望逼自己相信回到現實,咁樣感覺好好多。(日諗夜諗好辛苦呀!!)

        同埋我覺得你既理據好practical呀!!! 我完全無諗過祖父母收養之類的事情,但我都有留意到小朋友係長大左,而且唔同衫。(所以咪同cobb一直在夢中所見的不同>>所以係真實?!)

        其實我都覺任人點講都得架,始終結局係咁open ended,或者導演就係想人諗多d可能性啦。我鍾意同人討論,不過唔鍾意嗌交咁講,有d人係咁逼人聽佢果套好煩的,最憎!hahahaaa

        (btw 你都好耐無黎我度留言了呀雲,你果度又唔開放,搞到我都無得去你度留,有時見你寫都好想feedback下)

  2. 我既諗法通常都係比較奇怪。其實睇完都有少少衝動想寫的﹐但其實又我對呢類既戲不是很有興趣啦。同埋睇完後﹐沒有對自身既反思(﹖!)﹐就沒有意願寫囉。反而同時睇左「The Reader」(OK我知我好慢!)比較想寫。但呢排勁忙﹐都沒有時間寫。

    套戲另一樣野﹕Cobb 既外父明明在巴黎教書﹐點解會出現在LA﹖而﹐外母呢﹖沒有看這小朋友﹖雖然可以話外父可以會LA﹐但當Cobb那team人收到消息﹐係幾乎即刻上機個播。

    又又﹐小姐啊﹐聽講你有好一排都冇寫野呀~~~~~~~~~~ 我點留言啊﹖﹖!!! 而家你睇我留左幾多﹖!!﹖﹖!!! 咁唔知滿足架你﹖﹖﹖!!!! (我忙到自己都冇時間寫野但都留D鬼死咁長既言俾你你都咁話我﹐嗚~~~~~~~~~)(有心既咪電郵我囉。哈哈!! 我其實都好中意 feedback 架! 特別好無聊個D。:P )

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s