現實版女人最痛

平日很少流水帳式記事,早午晚三餐食左乜乜乜,去左邊同邊個一齊好開心blah blah blah,完全港女style,寫出來都覺悶,不是我寫作風格。

但,今日我撞到一個舊同學。及後,我覺得一定要寫出來,因為實在太爆。

事情是這樣的。

話說下午約了同事,她早到了,便在商場的某處邊逛邊等我。我到的時候打算直接去找她,於是兩眼正四處搜尋她的芳蹤。

忽然,我聽到遠處有人叫我全朵。(其實現在已經好少人會直接喚我全名的了)

我覺得有點奇怪,應該不是我同事,我從聲音的來源看過去,原來是我一位初中認識的舊同學。(撞鬼!她就是跟我一起看toy story 2的那位囉)

這位舊同學,當時因為中四選科有別的緣故已經不同班,所以也沒聯絡,數數手指都應該有十年沒見了。

先形容一下這位舊同學的外表。讀書時認識的她個子小小的,大約150cm高,體重在90磅左右。但今天在我眼前的她,同樣的身高,卻比起十年前起碼胖多三十磅,由於她的骨架小,整個人像氣球一樣被吹脹了。本來單眼皮眼睛小小的她,整個五官顯得更模糊。(sorry 我知道我這樣寫真係好mean,但劇情需要,這是很重要的資料)

(其實正常來說我是應該認不了她的,但感謝萬能的fb,我早就知道她現在的情況是怎樣的。當然,見到實物是比較震撼的。)

碰面了,然後就是理所當然寒喧一番。

可能當時我處於有點神智不清的狀態(驚嚇過度?),開始唔知自己講咩,於是有了以下的對話。

我:係囉,如果唔係你叫我,我都認唔到你呀。(你係咪想死呀!講d咁既野!)
她:我認到你呀,但你瘦左好多呀。
(ok 我16歲以前是個小胖妞,當時零打扮核突衣著頭髮加肥,的確是樣衰到無人有)
我:errrrr… 係咩,都係差唔多啫。(打圓場打圓場打圓場)
她: 但我就肥左好多喇。(你想我講咩喎…)
我:都唔係啫,咁我有你fb架嘛,雖然好耐無見但都知你而家係點既。(死死死你講緊咩呀!!)
她: 不過唔緊要啦,我下個月都整容了。

不過唔緊要啦,我下個月都整容了。不過唔緊要啦,我下個月都整容了。不過唔緊要啦,我下個月都整容了。。。。

我:下。。。你講真架?(當時我的表情該是極度愕然吧)
舊同學:係呀。(完全是認真mode)

當時跟其男友手牽著手的她臉帶微笑,說罷就望向男友,而男友亦回應她一個肯定的眼神。

我啞了。空氣亦同時維持著數秒死亡的氣氛。

然後我說:咁… 等住睇你影d靚相喎。(假笑)

(後來我回想我的急才都算係咁)

說罷我們(懶輕鬆地)揮揮手說再見,留下我一人在現場,無語問蒼天。

.

後來,經過一輪定驚,我的理智回來了。

點呀她是不是看得太多女人最痛呀,她是滕麗名嗎嗎嗎?

都說這套tbb電視劇教壞人的啦,人的價值就只著重於外表嗎,整了容就可成為女神就可以得到萬千寵愛嗎?價值觀錯到離哂大譜,好像整容就能解決一切問題似的。

老實說廿四歲女,如果肯努力減下肥已經煥然一新。

她男友又是的,為何容許她這樣做呢,愛是包容,不是該愛她的一切,包括她的不完美嗎?

.

後來再後來,

我又想到,大概她背負太多自卑太多難受,直到難以再承受,才會下了這樣的決定吧。

廣告

15 thoughts on “現實版女人最痛

  1. 可能你在一個驚魂未定既情況下寫下這一篇,但對唔住,我笑左….

    其實除左知道你位舊同學除左肥同眼細之外,其他佢仲有咩地方想整呢?比我就會問下佢喇!我去素顏個blog都睇到一位普通樣既女仔都去整容啦!所以可能…整容已經變成左一件唔係咁大不了既事了….

    • 雖然呢個時代整容好似已經變成一件唔係咁大不了既事,但我仍然接受唔到呀。

      可能係第一個我識既人發生呢件事,所以反應有少少誇張左。
      (但當時我內心真係好激動!!!)

  2. wahahahahhaa 我在辦公室之中爆笑!

    佢點整先?但係整之前係咪應該抽下脂呀…

    睇到佢男友的反應,我只可以話呢兩條友的價值觀係錯晒;你舊友唔滿意自己外表,應該先去做下運動等自己健康d,但又想不勞而獲;至於佢條仔,我好懷疑他是真心愛這個女人嗎?第時老左點算,又再整?

    • hahahaaa 因為我真係寫得幾mean下
      (但我諗諗下,其實我都算寫得mean中又有返d厚道果種,我都無乜點寫佢既容貌)

      我諗佢講緊既整容應該係包埋抽脂,exactly係劇入面滕麗名個角色咁。

      真心同意你所講,自己都無盡力(做運動/改善飲食),又想不勞而獲,整完又唔係keep一世,唔通一世都keep住整咩。既然佢男友都咁支持,某程度上佢地都係好夾既一對黎既(!)。

  3. 我係一隻 cd-rom,但我頭先一邊食住薯片,睇到0個句時真係停左係度,咬唔到落去……

    我都覺得個男友先係最大問題,完。

    多謝分享。

    • 當時我真係笑唔出呀,步步為營,幾驚講錯野呀,咁耐無見真係唔知佢會點睇我既反應架嘛。

      我朋友話我應該扮融入,嘩我都想整呀係邊整呀幾錢呀,咁個氣氛應該無咁死。但我覺得會仲mean囉。

  4. 跪求各位鄉親父老叔伯兄弟,
    拜託不要將敝blog於fb上轉載,
    (我見到blog stat上有很多referrers都是來自fb的!!!)
    我十萬個驚最後會廣傳到當事人那處(!!!),
    小人只是得閒寫幾隻字記下生活雜碎,
    無意發作家夢亦不想成為網絡紅人,
    請各位兄台放過小人啦(哭)。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s